დეგნანი კიდევ ერთხელ მოუწოდებს პარლამენტს შეაჩეროს მოსამართლეთა შერჩევის პროცესი
ამერიკის ელჩი საქართველოში, კელი დეგნანი კიდევ ერთხელ მოუწოდებს პარლამენტს მოსამართლეთა უზენაესი სასამართლოს მოსამართლეების შერჩევის პროცესი შეაჩეროს იქამდე, ვიდრე საკითხთან დაკავშირებით არ შედგება ფართო, ინკლუზიური და მულტიპარტიული მსჯელობა, იმისთვის რათა სასამართლო სისტემა გაუმჯობესდეს.
"საქართველოს პოლიტიკური ლიდერები, ასევე, შეთანხმდნენ სასამართლო სისტემის რეფორმირების ამბიციურ გეგმაზე, ფართო, ინკლუზიური, მულტიპარტიული პროცესის თანხლებით. 19 აპრილის შეთანხმება არის ერთგვარი რუკა ამის გასაკეთებლად, მათ შორის, ეს გულისხმობს უზენაესი სასამართლოს მოსამართლეების არჩევის პროცესის შეჩერებას იქამდე, სანამ არ იქნება მსგავსი ფართო და ინკლუზიური მსჯელობა და კონსულტაციები იმასთან დაკავშირებით თუ როგორ უნდა გამოიყურებოდეს სასამართლო სისტემა. ამ მიმართულებით შემიძლია მხოლოდ იმედი გამოვთქვა, რომ დებატები, კონსულტაციები სამუშაო ჯგუფებში გაიმართება, რაც შეიძლება სწრაფად ყველა დაინტერესებული მხარის მონაწილეობით.დეგნანმა კიდევ ერთხელ განმარტა, რომ შტატები და სხვა საერთაშორისო დონორები საქართველოს ეხმარებოდნენ სწორედ ამისთვის, რომ გამოსწორებულიყო სასამართლო სისტემა და ამას ვაკეთებთ უკვე 25 წლის განმავლობაში. ეს კეთდება იმის გამო, რომ კანონის უზენაესობა და ძლიერი სასამართლო სისტემა არის წინაპირობა საქართველოს ნატო-სა და ევროკავშირში გაერთიანებისთვის.
იუსტიციის უმაღლესმა საბჭომ წარმოადგინა მოსამართლეთა კანდიდატურები, ახლა პარლამენტის ხელშია ხელი შეუწყოს პოლიტიკური ლიდერების მიერ 19 აპრილს მიღწეულ შეთანხმებას, რაც ცალსახად გულისხმობს უზენაესი სასამართლოს მოსამართლეების შერჩევის პროცესის შეჩერებას. პარლამენტს აქვს შესაბამისი ძალა, რომ ეს პროცესი შეაჩეროს", - თქვა დეგნანმა.