საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი, ჯოზეფ ბორელი საქართველოს საგარეო საქმეთა მინისტრ, დავით ზალკალიანს, მოლდოვის საგარეო საქმეთა მინისტრს აურელიო ჩოკოისა და უკრაინის საგარეო საქმეთა მინისტრს დმიტრო კულებას შეხვდება. 
ინფორმაცია ევროკავშირის საგარეო საქმეთა სამსახური ავრცელებს. შეხვედრა დღეს, 24 ივნისს ბრიუსელში გაიმართება.
მათი ინფორმაციით, შეხვედრაზე მონაწილე პირები ევროკავშირისა და სამ ასოცირებულ პარტნიორი ქვეყნის ურთიერთობებსა და თანამშრომლობის გაღრმავების შესაძლებლობებს განიხილავენ.
შეხვედრის დასრულების შემდეგ ჯოზეფ ბორელი და სამი ქვეყნის საგარეო საქმეთა მინისტრები მედიისთვის განცხადებას გააკეთებენ.