ცხინვალში საერთოდ ნამყოფი არ ვარ - გომელაური კონტრაბანდის ბრალდებაზე
"ცხინვალში საერთოდ არ ვყოფილვარ" - ასე პასუხობს შინაგან საქმეთა მინისტრი, ვახტანგ გომელაური კონტრაბანდასთან დაკავშირებულ ბრალდებებს.
"შემიძლია გითხრათ, სასაცილოა, ამაზე სერიოზულად პასუხი როგორ უნდა გაგცეთ, ცხინვალში საერთოდ ნამყოფი არ ვარ პირველ რიგში, არც ბავშვობაში, არც დიდობაში. რაჭაში გავლით არ გამივლია ცხინვალზე, თერჯოლის მხრიდან დავდიოდით ხოლმე რაჭაში რომ მიწევდა წასვლა, ასე რომ ეს არის რაღაც მოგონილი აბსურდი, სისულელე. თუ გადახედავთ წლებს, როდესაც ეს თემა, ერგნეთის ბაზრობა და რაღაც მოძრაობები იყო მე ვიყავი მაშინ 19-20 წლის, ჯარისკაცი ვიყავი. როგორ წარმოგიდგენიათ როცა ქვეყანაში რა ხდებოდა 90-იან წლებში თქვენ გახსოვთ ძალიან კარგად, მე ჯარისკაცი ვალაგებდი თემებს და კონტრაბანდები დამქონდა 19 წლის ბიჭს", - თქვა ვახტანგ გომელაურმა.მისი თქმით, ამავე პერიოდში უბრალო რიგითი ჯარისკაცი იყო და ყოფილი პრეზიდენტის, ედუარდ შევარდნაძის დაცვაში მუშაობდა.