საპარლამენტო უმრავლესობის წევრი შალვა პაპუაშვილი ევროპელ პოლიტიკოსებს საქართველოს ყოფილ პრეზიდენტ მიხეილ სააკაშვილთან შეხვედრის გამო აკრიტიკებს.
“გასამართლებულ დამნაშავესთან ევროკავშირის შუაგულში შეხვედრას კანონის უზენაესობის სულისკვეთება ნამდვილად არ მოაქვს და ევროპის ადამიანის უფლებათა სასამართლოს შეურაცხყოფაა”, — წერს პაპუაშვილი.
საქართველოს ყოფილი პრეზიდენტი მიხეილ სააკაშვილი ბრიუსელში ვიზიტისას ევროპარლამენტარებს — ანდრიუს კუბილიუსს, ანა ფოტიგას, ვიოლა ფონ კრამონს, მიხეილ გალერს, იაცეკ სარიუშ ვოლსკის, ასევე, ევროპული საბჭოსა და საგარეო ქმედებათა ოფისის წარმომადგენლებს შეხვდა.
ბრიუსელში შეხვედრების შესახებ საუბრობს თავად სააკაშვილი და ამბობს, რომ შეხვედრების მთავარი მიზანი საქართველოში, ოქტომბრის თვითმმართველობის არჩევნებზე, რაც შეიძლება მეტი უცხოელი დამკვირვებლის ჩამოსვლაა.