შსს "ნამოხვანჰესის" მოწინააღმდეგეებს აფრთხილებს: პოლიცია იმოქმედებს მისთვის მინიჭებული მანდატის ფარგლებში
შსს გუმათთან განვითარებულ მოვლენებთან დაკავშირებით განცხადებას ავრცელებს:
შინაგან საქმეთა სამინისტრო, გუმათში შეკრებილ ნამახვანჰესის მშენებლობის მოწინააღმდეგე მოქალაქეებს მოუწოდებს, დაიცვან კანონის მოთხოვნები და შეინარჩუნონ სიმშვიდე. პოლიცია იმოქმედებს მისთვის მინიჭებული მანდატის ფარგლებში და რეაგირებას მოახდენს კანონდარღვევის ნებისმიერ ფაქტზე.გუმათთან ვითარება ცოტა ხნის წინ დაიძაბა. არსებული ინფორმაციით, დაკავებულია აქციის 2 მონაწილე.
შინაგან საქმეთა სამინისტროს თანამშრომლები უსაფრთხოების ზომებიდან გამომდინარე და მოვლენების ხელოვნურად ესკალაციის თავიდან არიდების მიზნით, რიონის ხეობაში მობილიზებული არიან და საზოგადოებრივ წესრიგს იცავენ.
შინაგან საქმეთა სამინისტრო კიდევ ერთხელ მოუწოდებს შეკრებილებს, დაემორჩილონ პოლიციის კანონიერ მოთხოვნებს და არ გასცდნენ გამოხატვის თავისუფლების კანონით დასაშვებ ფარგლებს - ნათქვამია შსს-ს განცხადებაში.