მიხეილ სააკაშვილი - "ბედნიერი ვარ, რომ ნამდვილი გმირი, ნიკა მელია კიევშია ჩამოსული"
"ძალიან ბედნიერი ვარ, რომ ნამდვილი გმირი, ნიკა მელია არის ჩამოსული კიევში" - ამის შესახებ საქართველოს მესამე პრეზიდენტი მიხეილ სააკაშვილი ნიკა მელიას შესახებ გავრცელებულ ვიდეოში საუბრობს.
ძალიან ბედნიერი ვარ, რომ ნამდვილი გმირი, ნიკა მელია არის ჩამოსული კიევში ხანმოკლე, ძაან დატვირთული სამუშაო ვიზიტით. იმიტომ რომ, დასვენების დრო... მე მის ადგილას დავისვენებდი ციხის მერე. რასაც ვუყურებ, იმხელა ენერგია აქვს და იმხელა დრაივი აქვს, რომ ერთი წამით არ შეუძლია დაჯდომა და დასვენება, რაც ნიშნავს იმას, რომ ეს არის გამარჯვების საწინდარი. ძაან დიდი გეგმები არის და დიდი გეგმები აქვს ნიკას და ძალიან მაღალი ტალღა აწია ქართველი ხალხის დასახმარებლად. ჩემი აზრით, ეს მართლა უნიკალური კომბინაციაა, ასე რომ ძალიან ვამაყობ, რომ მისი თანამებრძოლი ვარ, აღფრთოვანებული ვარ მისი გამბედაობით, შეუვალობით და პრინციპულობით, - ამბობს მიხეილ სააკაშვილი.