“რუსთავი 2-ის” დამფუძნებლების, დავით დვალისა და ჯარჯი აქიმიძის მოთხოვნის საფუძველზე სასამართლომ ტელეკომპანიის უძრავი ქონებას ყადაღა დაადო.
ინფორმაციას ამის შესახებ დვალისა და აქიმიძის ადვოკატი კახა კოჟორიძე ავრცელებს. მისი თქმით, სასამართლოს განჩინებით ყადაღა დაედო რუსთავი 2-ის უძრავ ქონებას — მიწის ნაკვეთებსა და მათზე არსებულ ყველა შენობა-ნაგებობას. მისი თქმით, მხარეები მოძრავი ნივთების დაყადაღებასაც ითხოვდნენ, თუმცა სასამართლომ შერჩევითად იმოქმედა და ქონების მხოლოდ ნაწილს დაადო ყადაღა:
“აქამდე, ჩვენი მოთხოვნის საფუძველზე, დაყადაღებული იყო რ2-ის 60% წილი. ახლა, ასევე დაყადაღდა რ2-ის უძრავი ქონება სრულად.
ჩვენ ასევე ვითხოვდით რ2-ის მოძრავი ნივთების დაყადაღებას და ქიბარ ხალვაშისთვის გარკვეული უფლებამოსილებების შეზღუდვას. ჯარჯი აქიმიძე და დავით დვალი ითხოვდნენ ზუსტად იმ ღონისძიებებს, რაც სასამართლომ ხალვაშის მიერ 2015 წელს შეტანილ სარჩელზე გამოიყენა.
მიუხედავად ამისა, რ2-ის დამფუძნებელთა მიმართ სასამართლომ კვლავ შერჩევითად იმოქმედა და ამ ნაწილში მოთხოვნა არ დააკმაყოფილა, რაც გასაჩივრდება კანონით დადგენილი წესით. გამოვიყენებთ ყველა სამართლებრივ მექანიზმს, რომ რუსთავი 2 დაუბრუნდეს მის დამფუძნებლებს”—  ამბობ კახა კოჟორიძე.
სასარჩელო უზრუნველყოფის ფარგლებში ტელეკომპანიის უძრავ-მოძრავი ქონების დაყადაღება დვალმა და აქიმიძემ მას შემდეგ მოითხოვეს, რაც ცნობილი გახდა ტელეკომპანიის “პრაიმმთაიმთან” ერთად ჰოლდინგში გაერთიანების შესახებ. შესაბამისად, გაჩნდა რისკი, რომ “რუსთავი 2-ის” ქონება გასხვისდება. 60%-იანი წილი კი რომელზეც სასამართლოში დავით დვალი და ჯარჯი აქიმიძე დაობენ, შემცირდება.