"ჩემი პოზიციაა, რომ პარტიამ უნდა გამოიყენოს ეს ბერკეტიც" - დეკანოიძე
შევა თუ არა "ერთიანი ნაციონალური მოძრაობა" პარლამენტში - პარტია გადაწყვეტილებას უახლოეს დღეებში გამოაცხადებს. მანამდე კი ენმ-ს ერთ-ერთი ლიდერი ხატია დეკანოიძე ამბობს, რომ მისი აზრით, პარტიამ ეს ბერკეტი უნდა გამოიყენოს, პარლამენტში შევიდეს და თვითმმართველობის არჩევნებს გაძლიერებული დახვდეს.
ვერ გეტყვით საბოლოო გადაწყვეტილება როდის იქნება მიღებული. პრაქტიკულად ყველა ადამიანის პოზიცია, ნაწილობრივ, ვისთანაც გვქონდა კონსულტაციები, ჩემთვის ცნობილია. ბევრი რამის აწონ-დაწონა გვიწევს. ჩემი პოზიცია არის ძალიან მყარი და ჩამოყალიბებული, რომ ჩემმა პარტიამ უნდა გამოიყენოს ეს ბერკეტიც. იმიტომ რომ პარლამენტი ერთპარტიული აღარ არის და ჩვენ ადგილობრივ თვითმმართველობაზე უნდა შევიდეთ ძლიერად და არა კონკრეტული ინსტრუმენტების ნაკლოვანებით, - ამბობს დეკანოიძე.