აშშ-ს სახელმწიფო მდივნის წარმომადგენელი, ჰადი ამრი ისრაელში ჩავიდა. დიპლომატი ბოლო დღეებში მიმდინარე დაპირისპირების შეწყვეტას მოლაპარაკებებით შეეცდება.
ბლინკენმა 12 მაისს განაცხადა, რომ ისრაელს განსაკუთრებული პასუხისმგებლობა აკისრია მშვიდობიანი მოსახლეობის უსაფრთხოების საკითხში, თუმცა ასევე აღნიშნა, რომ მას საკუთარი თავის დაცვის უფლება აქვს.
ოფიციალური იერუსალიმის ინფორმაციით ღაზის სექტორზე განხორციელებულ იერიშებს ამ დროისთვის ორგანიზაცია ჰამასის 90-მდე მებრძოლი ემსხვერპლა. პალესტინელების ინფორმაციით მთლიანობაში კონფლიქტის დაწყებიდან მათ მხარეს 133 ადამიანი დაიღუპა, რომელთა შორის 31 ბავშვია, ისრაელის მხარეს კი 8 ადამიანი გარდაიცვალა, მათ შორის სამი არასრულწლოვანი.