ევროკავშირის მიერ გირაოს გადახდის შემდეგ გათავისუფლებული "ნაციონალური მოძრაობის" თავმჯდომარის, ნიკა მელიას საქმის განხილვა გრძელდება. სასამართლო პროცესი დღეს, 13 მაისსაა ჩანიშნული. დაცვის მხარე შესავალ სიტყვას ბრალდებულის გარეშე იტყვის, რადგან მელია მოსამართლემ სხდომათა დარბაზიდან გააძევა.

"სასამართლო პროცესზე რაც არის შემი პოზიცია კი იცით, იქ სამართალს არაფერი ესაქმება, მთლიანად პოლიტიკურად მიიღებოდა, მიიღება და ასე გაგრძელდება სანამ ეს ვითარება ისეთია, როგორიც არის. გამორიცხულია, რომ "ქართული ოცნების" მიერ შემუშავებული ეს ამნისტიის კანონპროექტი მივიღო", - თქვა ნიკა მელიამ.

"ნაციონალური მოძრაობის" თავმჯდომარეს, ნიკა მელიას ბრალი 20 ივნისის საქმეზე აქვს წაყენებული და მას ჯგუფური ძალადობის ორგანიზებასა და ხელმძღვანელობას ედავებიან. მელიას აღკვეთის ღონისძიების სახით შეფარდებული პატიმრობა, ევროკავშირის უპრეცედენტო გადაწყვეტილების შემდეგ შეეცვალა. ნიკა მელიამ ციხე 10 მაისს დატოვა.