“სტრატეგია აღმაშენებლის” ლიდერი გიორგი ვაშაძე წუხს, რომ 20 ივნისის მოვლენების ამნისტია იმ პოლიციელებსაც შეეხებათ, რომელთაც ამჟამად ბრალი სამსახურებრივ უფლებამოსილებას გადააჭარბებისთვის აქვთ წარდგენილი.
ვაშაძის თქმით, ენმ-ს თავმჯდომარე ნიკა მელიას გასათავისუფლებლად ამნისტიის გარდა სხვა გზა აღარ დარჩა და  20 ივნისს დაზარალებულებს თანადგომას უცხადებს.
ამასთან ვაშაძე ხაზს უსვამს, რომ ამნისტია მხოლოდ იმ საქმეებზე გავრცელდება, რომელიც ამჟამადაა გამოძიებაში.
“მაქსიმალუროდ შემჭიდროვებულ ვადებში, რაც შესაძლებელი იქნება პარლამენტის რეგლამენტით, პარლამენტი მიიღებს ამნისტიის შესახებ კანონს, რის შემდეგაც  ნიკა მელია დატოვებს საპატიმრო დაწესებულებას. ვწუხვარ, რომ მხოლოდ ეს გზა არის მისი გათავისუფლების, სხვა გზა დღეის მდგომარეობით აღარ არსებობს. აქვე მინდა, გულწრფელად სრული თანადგომა გამოვუგზავნო მაკო გომურს და ყველა იმ ადამიანს, ვინც 20 ივნისსს დაზარალდა. გულწრფელად თითოეულ თქვენგანს მინდა გითხრათ, რომ ბოლომდე თქვენს გვერდით ვიქნებით და აუცილებლად ამ საქმესთან დაკავშირებით მომავლშიც მივიყვანთ ძალიან ბევრ საკითხს ბოლომდე. შევეცდებით, რომ სრულად იყოს გათვალისწინებული თქვენი ინტერესები, მზად ვართ ამაზე ვიმსჯელოთ და ვისაუბროთ”, — განაცხადა ვაშაძემ.