რუსეთის საგარეო საქმეთა მინისტრის, სერგეი ლავროვის მიხედვით, აშშ-ს სანქციების საპასუხოდ, რუსეთი აშშ-ს 10 დიპლომატს გააძევებს  და დამატებით 8 მაღალჩინოსანს შავ სიაში შეიყვანს, ჯერ არ არის ცნობილი მათი ვინაობა.
ამასთან ერთად, მოსკოვი შეუჩერებს მუშაობას ამერიკულ ორგანიზაციებსა და ფონდებს, რომლებიც, მათი აზრით, რუსეთის საშინაო პოლიტიკაში ერევიან.
ლავროვი იმასაც ამბობს, რომ რუსეთს შეუძლია "მტკივნეულ ზომებს" მიმართოს აშშ-ს ბიზნესინტერესის წინააღმდეგ, თუმცა ჯერჯერობით თავს იკავებს.
15 აპრილს ბაიდენის ადმინისტრაციამ რუსეთს აშშ-ს 2020 წლის არჩევნებში ჩარევის მცდელობის , თანხის სანაცვლოდ ავღანეთში ამერიკელი ჯარისკაცების მოკვლისა და SolarWinds-ზე კიბერთავდასმის მიზეზით, ახალი სანქციები დაუწესა. რუსეთი ამ ბრალდებებს უარყოფს და ამბობს, რომ აშშ-ს მსგავს ქმედებას "გარდაუვალი" პასუხი მოჰყვება. 
"ვაშინგტონმა უნდა გაანალიზოს, რომ ორმხრივი ურთიერთობის დეგრადაციისთვის ის გადაიხდის საზღაურს". - ამბობს ლავროვი
აღსანიშნავია, რომ ამერიკულ პრესაში რუსეთისთვის აშშ-ს სანქციების დაწესების ინფორმაციის გავრცელებისთანავე, რუსული რუბლი გაუფასურდა.