ფრაქცია "ნაციონალური მოძრაობის“ თავმჯდომარის რომან გოცირიძის განცხადებით, პრეზიდენტ სალომე ზურაბიშვილის გამოსვლა იყო წყალწყალა და შინაარს მოკლებული. როგორც მან ჟურნალისტებს განუცხადა, სალომე ზურაბიშვილი არა ქართველი ხალხის, არამედ ერთი ადამიანის პრეზიდენტია.
„წყალწყალა გამოსვლა იყო, მოკლებული რაიმე შინაარსს. ილაპარაკა ფეხბურთზე, ღვინოზე, რაღაც გაუგებარ საკითხებზე. თითქოს ის ქვეყნის პრეზიდენტი კი არაა, უცხო პლანეტიდანაა ჩამოსული, არცერთი სერიოზული პრობლემა, რაც ქვეყანაშია, პოლიტიკრი კრისიზი არაფორმალური მართველობა, მის მიერ გაეროდან მოტყუებული საქართველოს ამომრჩეველი. ახლა ამბობს, რომ მოლაპარაკებსაც თუ არ შეწყვეტთ, ძალიან კარგი იქნება. არანაირი მწვავე საკითხები რუსეთთან დაკავშირებით. დილით ვთქვი, რომ რუსეთს არ ახსენებს მეთქი და ეტყობა უთხრეს და ასე თქვა, რომ რუსეთს აქვს ოკუპირებული ტერიტორიებიო. იყო აბსოლუტურად უშინაარსო გამოსვლა და დაამტკიცა რომ არა ქართველი ხალხის, არამედ ერთი ადამიანის პრეზიდენტია", - განაცხადა გოცირიძემ.