"ნაციონალური მოძრაობის" წევრის, სალომე სამადაშვილის განცხადებით, ბოლო დღეებში "ქართული ოცნების" წევრების მიერ გაკეთებული განცხადებები არ აჩენს მოლოდინს, რომ ისინი კომპრომისისთვის მზად არიან. 

"ყველა საკითხი, რომელიც არის მოცემული მიშელის გეგმაში არის მნიშვნელოვანი, როგორც პოლტპატიმრებისა და პოლიტიკური მართლმსაჯულების თემა, ასევე, არჩევნების თემა და ყველა სხვა საკითხი. ამიტომ ჩვენ ვერ მივაღწევთ შეთანხმებას, პირდაპირ შემიძლია გითხრათ, თუ მოხდა მიშელის გეგმაში დაფიქსირებული საკითხებიდან რომელიმე საკითხის უგულვებელყოფა შემოთავაზებულ დოკუმენტში", - თქვა სალომე სამადაშვილმა.

შეგახსენებთ, რომ პარტიების ლიდერები ამ წუთებში ევროკავშირის წარმომადგენლობის ოფისში იკრიბებიან. შეხვედრა ევროპული საბჭოს პრეზიდენტის პირად წარმომადგენელთან, კრისტიან დანიელსონთან ერთად 5 საათზე უნდა დაიწყოს.