პოლიტპატიმრების გათავისუფლება, კლანური მმართველობის დასრულება და რეფორმები - GDI კრიზისიდან გამოსასვლელ გზებზე
იმისთვის, რომ პოლიტიკურმა შეთანხმებამ რეალურ შედეგი აჩვენოს, აუცილებელია პოლიტპატიმრების გათავისუფლება, რეფორმა, რომელიც სასამართლოში დაასრულებს კლანურობას, საარჩევნო რეფორმა და ამ რეფორმაზე სამუშაოდ ოპოზიციის პარლამენტში შესვლა - ამის შესახებ საკუთარ პოზიციას არასამთავრობო ორგანიზაცია "საქართველოს დემოკრატიული ინიციატივა" აქვეყნებს:
ის, რომ შეთანხმებამ რეალური შედეგი გამოიღოს აუცილებლად მიგვაჩნია შეთანხმება იყოს არსებითი ხასიათის, რომელიც ავტორიტარიზმიდან დემოკრატიული განვითარების რელსებზე დაგვაბრუნებს.ევროპელი მედიატორი, კრისტიან დანიელსონი საბოლოო დოკუმენტს 30 მარტს დადებს, რომელზეც პოლიტიკურმა პარტიებმა - ოპოზიციამ და "ქართულმა ოცნებამ" შეთანხმების შემთხვევაში ხელი უნდა მოაწერონ. დოკუმენტის შინაარსი და დეტალებიც სწორედ ამის შემდეგ გახდება ცნობილი.
სწორედ ამიტომ აუცილებელად მიგვაჩნია:
პატიმრობიდან გათავისუფლდნენ ნიკა მელიამ და გიორგი რურუა, რომელთა მიმართაც მართლმსაჯულება პოლიტიკური მიზნებით ხორციელდება, ასევე შეწყდეს სხვა, მსგავსი მოტივებით მიმდინარე სისხლის სამართლის საქმეებიც, რომლებსაც ხელისუფლება პერიოდულად იყენებს პოლიტიკური ოპონენტების წინააღმდეგ;
შეთანხმებამ მოიცვას საგამოძიებო და სასამართლო სისტემის ფუნდამენტური რეფორმა, რომელმაც მათ შორის უნდა დაასრულოს სასამართლოში კლანური მმართველობა;
არსებითად შეიცვალოს საარჩევნო სისტემა, რამაც ნდობა უნდა დაუბრუნოს საარჩევნო პროცესს;
ოპოზიციის განსაკუთრებული ვალია, საკუთარი წვლილი შეიტანოს რეფორმის ქვეყნისათვის სასურველი შედეგით დასრულებაში, სწორედ ამიტომ, ამ ცვლილებებზე სამუშაოდ უნდა შევიდეს პარლამენტში;
და რაც მთავრია, შეთანხმებამ პოლიტიკური კრიზისი არსებითად შეიძლება დაასრულოს მხოლოდ მაშინ, თუ ხალხი გადაამოწმებს და დაიჯერებს, რომ ხელისუფლებაში ყოველთვის არიან ისინი, ვისაც საკუთარი ძალაუფლება მათ გადასცეს, რადგან დემოკრატია ნიშნავს „ხალხის მმართველობას, ხალხის მიერ და ხალხისათვის.“ ვკითხულობთ განცხადებაში.