ნიკა გვარამია - ევროპა, თქვენ გგონიათ, სახლში წავიდა? მაგრამ რომც წავიდეს, იმისთანა მოდის..
მთავარი ინფორმაცია გაიტანეს აქედან, იყო აღფრთოვანება ოპოზიციით და აბსოლუტური შოკი კობახიძით, - ამის შესახებ "მთავარი არხის" გენერალური დირექტორი ნიკა გვარამია გადაცემაში "დღის სტუმარი" საუბრობს. ნიკა გვარამია კრისტიან დანიელსონის მედიაციით გუშინ გამართულ ორმხრივ შეხვედრას და ჩაშლილ მოლაპარაკებას ეხმაურება.
ამბობს, რომ კვირას, 21 მარტს, გადაცემაში "მთავარი აქცენტები", შეეცდება გაარკვიოს, რისი დათმობა იყო შესაძლებელი ოპოზიციის მხრიდან და რა არ დათმეს: "საზოგადოებას მოვუყვები, რა შეეძლოთ დაეთმოთ თეორიულად მაინც".
მისივე თქმით, მოლაპარაკებების დაწყებისას "ქართული ოცნება" დათმობებისთვის მზად იყო, თუმცა, რუსეთის დაზვერვის სამსახურის უფროსის, სერგენი ნარიშკინის განცხადების შემდეგ, მმართველმა პარტიამ უკან დაიხია.
ამბობს, რომ კვირას, 21 მარტს, გადაცემაში "მთავარი აქცენტები", შეეცდება გაარკვიოს, რისი დათმობა იყო შესაძლებელი ოპოზიციის მხრიდან და რა არ დათმეს: "საზოგადოებას მოვუყვები, რა შეეძლოთ დაეთმოთ თეორიულად მაინც".
მისივე თქმით, მოლაპარაკებების დაწყებისას "ქართული ოცნება" დათმობებისთვის მზად იყო, თუმცა, რუსეთის დაზვერვის სამსახურის უფროსის, სერგენი ნარიშკინის განცხადების შემდეგ, მმართველმა პარტიამ უკან დაიხია.
"ქართული ოცნება", რომელიც იყო წკიპზე და მზად იყო მოლაპარაკებებისთვის, უცებ მოდის ნარიშკინის განცხადება, ხელს მოაწერ და მოგატეხავ ხელსო და იქ დამთავრდა.. ..ევროპა, თქვენ გგონიათ, სახლში წავიდა? მაგრამ რომც წავიდეს, იმისთანა მოდის.. აი, ნახავთ, მომავალი კვირის მოვლენებს დავაკვირდეთ ამერიკა-რუსეთის ურთიერთობებში. დავაკვირდეთ სანქციების შესაძლებლობას, დავაკვირდეთ სპეციალური წარმომადგენლის შესაძლებლობას საქართველოში.. მოდის ის, ვინც უნდა დაალაგოს.. ..მომავალი კვირიდან ყველაფერი შეიცვლება რუსეთთან მიმართებით და ეს ნიშნავს იმას, რომ რუსეთთან დაკავშირებული რაც არის, უკაცრავად თქვენთან და ყველაფერს "დაერხევა", - ამბობს ნიკა გვარამია.ცნობისთვის, შარლ მიშელის პირადი წარმომადგენლის, კრისტიან დანიელსონის მედიაციით, "ქართული ოცნებისა" და ოპოზიციის წარმომადგენლების შეთანხმება ვერ შედგა. დანიელსონი 19 მარტს დილით ბრიუსელში გაფრინდა.