დაავადებათა კონტროლის ეროვნული ცენტრის დირექტორი, პაატა იმნაძე პირდაპირ ეთერში "ასტრაზენეკას" ვაქცინის გაკეთების შემდეგ კოლეგებსა და მოქალაქეებს მოუწოდებს, რომ ვაქცინა გაიკეთონ. მისი განცხადებით, ეს ერთადერთი გზაა, რომ ქვეყანა ნორმალურ ცხოვრებას დაუბრუნდეს.

"დღეს ძალიან მნიშვენლოვანი დღეა ჩვენი ქვეყნისთვის, დღეს იწყება ჩვენ ქვეყანაში ეპიდემიის დასრულების დასაწყისი. ყველამ კარგად უნდა გავითავისოთ, რომ ეს ვაქცინა არის ერთადერთი გზა, იმისთვის, რომ ჩვენი ქვეყანა დაუბრუნდეს ნორმალურ ცხოვრებას, აქედან გამომდინარე, მე მინდა, რომ ჩემ ყველა კოლეგას, ნებისმიერ თაანმოქალაქეს მოვუწოდო, რომ იმისთვის, რომ ჩვენ დაბრუნდეთ ნორმალურ ცხოვრების რიტმში, აუცილებელია ქვეყანაში რაც შეიძლება მეტი ადამიანი აიცრას, პრიველ რიგში, ეს ეხება ჩემ კოლეგებს", - თქვა პაატა იმნაძემ. 

მისი თქმით, გუშინდელი ღამის მონაცემებით, აცრაზე უკვე 2 000-ზე მეტი სამედიცინო პერსონალი იყო რეგისტრირებული ასაცრელად. 
აქვე გეტყვით, რომ საქართველოში კორონავირუსის საწინააღმდეგო ვაქცინაცია დღეს, 15 მარტს დაიწყო. პაატა იმნაძე პირველია, რომელმაც "ასტრაზენეკას" ვაქცინა პირდაპირ ეთერში გაიკეთა.