მელაძე - ბუნებაში არ არსებობს კონვერტი, რომელსაც პროკურატურა ითხოვს
TV პირველის” ჟურნალისტის, ნოდარ მელაძის თქმით, სასამართლოს განჩინებაში ნახსენები კონვერტი “ბუნებაში არ არსებობს”. ამის შესახებ მან “ნეტგაზეთს” განუცხადა.მელაძის თქმით, პროკურატურა კონვერტისა და ელექტორნული მატარებლის მოთხოვნის გზით ცდილობს წყაროს მაიდენტიფიცირებელი მონაცემების მოპოვებას, როგორიცაა დნმ ან თითის ანაბეჭდები:“ამ განჩინებით დგინდება, რომ მათ ინტერესს არ წარმოადგენს გამოძიებაში გამოყენებული მასალები. არამედ, მათ ინტერესს წარმოადგენს რაღაც კონვერტი, ჰგონიათ, რომ ვიღაცამ რაღაც კონვერტში ჩადებული “ფლეშკა” მოიტანა ტელევიზიაში, რომლითაც ალბათ, დაადგენენ დნმ-ს ან თითის ანაბეჭდს.ბუნებაში არ არსებობს კონვერტი, რომელსაც ისინი ითხოვენ. რომელ წყაროს მოაქვს ტელევიზიაში მასალა ისე, რომ შეიძლება დატოვოს საკუთარი კვალი? ან ტელევიზიაში ვინ მოიტანდა? როდესაც წყარო ჟურნალისტს ასეთი მაღალი საზოგადოებრივი ინტერესის და სავარაუდო დანაშაულის შემცველ მასალას გადასცემს, რა თქმა უნდა, ამ შემთხვევაში მაქსიმალურად ცდილობს თავი გადაიზღვიოს და ჩვენც გადავაზღვიოთ”, — განმარტა მელაძემ.