პრემიერმინისტრმა, ირაკლი ღარიბაშვილმა დღევანდელი, 11 მარტის მთავრობის სხდომა ბრიუსელში ვიზიტის თემით დაიწყო. მისი განცხადებით, 15-17 მარტს მნიშვნელოვანი შეხვედრები აქვთ დაგეგმილი და ასოცირების სხდომაზე საქართველოს პროგრესს წარმოაჩენენ

"კიდევ ერთხელ მინდა ხაზი გავუსვა, რომ ჩვენ ვართ მზად გავაგრძელოთ კონსტრუქციული დიალოგის რეჟიმი და ჩვენ სრულად ვიზიარებთ ევროპული საბჭოს რეკომენდაციასა და რჩევას, რომ რაც შეიძლება მოკლე დროში ჩვენ ყველამ ერთად, ოპოზიციამ და ხელისუფლებამ გამოვნახოთ საერთო ენა და მივაღწიოთ შეთანხმებას, იმისთვის, რომ ქვეყანამ, პარლამენტმა დაიწყოს ნომრალური მუშაობა და ქვეყანა დაუბრუდეს ნორმალურ პოლიტიკურ ცხოვრებას", - თქვა ირაკლი ღარიბაშვილმა. 

ღარიბაშვილმა ევროპული საბჭოს პრეზიდენტს, შარლ მიშელს მადლობა დაგაუხადა მხარდაჭერისა და ჩართულობისთვის, ხოლო მისი წარმომადგენლის დანიელსონის ჩმოასვლას მიესალმა. მისი თქმით, ვიზიტი პროცესების კონსტრუქციულად წარმართვას შეუწყობს ხელს.