მთავარ არხთან არ ვთანამშრომლობ - ასეთია საპატრიარქოს პრესცენტრის ხელმძღვანელის, მამა ანდრია ჯაღმაიძის კომენტარი მარტვილის ეპარქიაში მომხდარზე, რა დროსაც ჟურნალისტები ეპარქიაში, შენობის მეორე სართულის აივნიდან გადმოცვივდნენ და მძიმედ დაშავდნენ. 

"მთავარ არხთან უკაცრავად, არ ვთანამშრომლობ, შენდობას ვითხოვ არ ვთანამშრომლობ",-თქვა ჯაღმაიძემ.

მარტვილში ინციდენტი იმ დროს მოხდა, როცა მეუფე სტეფანე სასულიერო პირებთან შეხვედრას მართავდა. ადგილზე შეიკრიბა მრევლის ნაწილი, რომლებიც უკმაყოფილონი არიან ახალი მმართველის გადაწყვეტილებით, რომლის საფუძველზეც მეუფემ ორ დიაკვანს მღვდელმსახურების უფლება შეუჩერა.