პოლიტიკური კრიზისი - კელი დეგნანის პირველი განცხადება შარლ მიშელის ვიზიტის შემდეგ
კრიზისიდან ერთადერთი გამოსავალი მხარეებს შორის კომპრომისი და დიალოგია. ევროპული საბჭოს პრეზიდენტი შარლ მიშელის ვიზიტის შემდეგ ქვეყანაში მიმდინარე პოლიტიკურ პროცესებზე პირველ განმარტებას აკეთებს ამერიკის ელჩი - "ქართულ ოცნებასა" და ოპოზიციას შორის გამართული რაუნდების ერთერთი ფასილიტატორი, კელი დეგნანი ამბობს, რომ აუცილებელია განახლდეს მოლაპარაკებები და მხარეებმა შეძლონ შეთანხმების მიღწევა.
"დავინახე, რომ მხარეებს გამოსავლის პოვნის სურვილი გააჩნიათ. მიუხედავად კომპლექსური პრობლემებისა და არსებული განსხვავებული მოსაზრებებისა ყველა პარტიის მხრიდან მხოლოდ ამ პრობლემის გადაჭრის სურვილს ვხედავ. ძალიან სასარგებლო იყო პრეზიდენტ მიშელის ჩამოსვლა, რაც მიმდინარე პროცესებთან დაკავშირებით საქართველოს მეგობრების განსაკუთრებულ ინტერესს კიდევ ერთხელ ადასტურებს პარტიებს შორის შეთანხმებას გარკვეული დრო სჭირდება. თუმცა დარწმუნებული ვარ, რომ წინ წავალთ. რადგან ამის პოლიტიკური სურვილი არსებობს", - ამბობს კელი დეგნანი