05/03/21679 ნახვა წყარო: ipn.geფოტო: ipn.ge

სოზარ სუბარი - თუ ოპოზიციას მიაჩნია, რომ პლებისციტი კარგია, რატომ ექცევიან ქვეყნიდან გადახვეწილი ადამიანის გავლენის ქვეშ?

ჩვენ ევროკავშირში წავალთ ჩვენი ხედვით, კონსტიტუციური ჩარჩოთი, რომ ადამიანები, ვინც მიიღეს ხმა, უნდა შებრძანდნენ პარლამენტში. თუ ლაპარაკია რიგგარეშე არჩევნებზე, ამისთვისაც მზად ვართ, ოღონდ მიზეზი უნდა გვქონდეს, - ამის შესახებ საპარლამენტო უმრავლესობის წევრმა სოზარ სუბარმა ჟურნალისტებთან საუბრისას განაცხადა.
სოზარ სუბარის განცხადებით, ხელისუფლებასა და ოპოზიციას შორის მოლაპარაკებების შემდეგ რაუნდებს მხოლოდ მაშინ აქვს მნიშვნელობა, თუ რაღაც შედეგზე იქნება ორიენტირებული. მისივე თქმით, შემდეგი რაუნდები იმიტომ არ გამართულა, რომ შედეგს ვერც თვითონ და ვერც ფასილიტატორები ვერ ხედავენ.
„ჩვენი სურვილი და მიზანია, რომ ყველაფერი იყოს კონსტიტუციურ ჩარჩოში. როდესაც ადამიანი ხმას აძლევს რომელიმე პარტიას, მან სახელმწიფოს ნგრევა კი არ უნდა დაიწყოს, უნდა შევიდეს პარლამენტში და იქ ილაპარაკოს. სამწუხაროდ, ოპოზიცია ამას არ აკეთებს. რაუნდებს მაშინ აქვს მნიშვნელობა, თუ რაღაც შედეგზე იქნება ორიენტირებული. დიდი ხანია არ გამართულა არანაირი შეხვედრა იმიტომ, რომ შედეგს ვერ ხედავენ ვერც ფასილიტატორები და ვერც ჩვენ ვხედავთ შესაძლო შედეგს. თუ მზად იქნებიან მოლაპარაკებებისთვის, ჩვენ ყოველთვის მზად ვართ. ჩვენ ევროკავშირში წავალთ ჩვენი ხედვით, კონსტიტუციური ჩარჩოთი, რომ ადამიანები, რომლებმაც მიიღეს ხმა, უნდა შებრძანდნენ პარლამენტში.
თუ ლაპარაკია რიგგარეშე არჩევნებზე, ამისთვისაც მზად ვართ, ოღონდ მიზეზი უნდა გვქონდეს. გაყალბდა თუ არა არჩევნები, ამის შესწავლის ყველანაირი ბერკეტი არსებობს. თუ ოპოზიციას ეჭვი ეპარება, ერთად ვთხოვოთ ევროკავშირს, გამოავლინოს თავისი ექსპერტები, რომლებიც დაჯდებიან კომისიაში და ნახავენ, გაყალბდა თუ არა არჩევნები. თუ იტყვიან, რომ ვითარება შეცვლილია და გაყალბების კვალის დადგენა შეუძლებელია, ამასაც იტყვიან და ესეც პასუხი იქნება, თუმცა ამაზეც არ მოდის ოპოზიცია, ყველაზე კარგად მათ იციან, რომ არ გაყალბებულა“, - აღნიშნა სოზარ სუბარმა.
მან პლებისციტის ჩატარებასთან დაკავშირებითაც ისაუბრა. სოზარ სუბარის აზრით, გაუგებარია, რატომ ექცევიან ოპოზიციონერები მაინცდამაინც „იმ გავლენის ქვეშ, რას იტყვის სააკაშვილი“.
„პლებისციტის იდეა ჩემთვისაც ცოტა გაუგებარი იყო, ოპოზიცია რატომ არ ითხოვს და რატომ ვერ ყალიბდებიან, რა უნდათ არ ვიცი. მათი მოთხოვნები მუდმივად იცვლება, თუ მართლა არის ვიღაც, ვისაც მიაჩნია, რომ პლებისციტი კარგია, რატომ არ რჩებიან ამ აზრზე ბოლომდე და რატომ ექცევიან მაინცდამაინც იმ გავლენის ქვეშ, რას იტყვის სააკაშვილი, ქვეყნიდან გადახვეწილი ადამიანი“, - განაცხადა სოზარ სუბარმა.
share on FacebookShare on Twitter უკან დაბრუნება წინა სტატია შემდეგი სტატია გასაჩივრება
  • 100

Tatyana Edwards-Behar

(619) 699-5875
San Diego, CA
  • 0

ბევრი

(650) 384-6500
Palo Alto, CA
  • 100

ია შუბითიძე

(706) 242-7354
Cumming, GA
  • 100

Barami

(201) 333-2200
, NY, NJ, DE, CA
  • 0

PA Auto Inspection

(215) 259-7500
Philadelphia, PA