"ქართული ოცნების" დეპუტატის, მამუკა მდინარაძის განცხადებით, ევროპული საბჭოს პრეზიდენტთან, შარლ მიშელთან ოპოზიციისა და ხელისუფლების მიერ გამართულ შეხვედრაზე შედგენილი 6-პუნქტიანი გეგმა, ოფიციალური დოკუმენტი არაა და უბრალოდ მოთხოვნების ჩამონათვალია. 

"რაც შეეხება იქ ჩამოთვლილ პუნქტებს, რომელშიც მათი მოთხოვნები ასე თავმოყრილი, ერთ ფურცელზე ამოიბეჭდა. ეს ოფიციალური დოკუმენტი არაა, ეს არის ჩამონათვალი მოთხოვნებისა, რომლებსაც აქამდეც აყენებდნენ. აქედან შედეგი თუ ის გამოვა, რომ მათ მოუწიოთ საბოლოო ჯამში, მოვიდნენ და რომ თუნდაც ერთი ნაბიჯი მაინც გამოდგან იმისკენ, რომ საბოლოოდ სწორი გადაწყვეტილება მივიღოთ უკვე შეთანხმების შანსი ჩნდება. დღემდე ვერ დამისახელებთ ვერცერთ ნაბიჯს, ან წინადადებას მათი მხრიდან, რაც შეიძლება ჩაითვალოს კონსტრუქციულად და კომპრომისად", - თქვა მამუკა მდინარაძემ.

შეგახსენებთ, რომ ოპოზიცა სამოქმედო გეგმაზე და მიმდინარე მოვლენებზე დღეს, 3 მარტს 2 საათზე იმსჯელებს. მათი შეფასებით, თუ ხელისულება არ აპირებს 6 პუნქტზე მსჯელობა დაიწყოს მაშინ მათ ევროკავშრის ოფიციალურად უნდა მიმართონ.