ევროპული საბჭოს პრეზიდენტი ერთერთი მთავარ და საკვანძო მოლაპარაკებას დღეს ოპოზიციური პარტიების ლიდერებთან გამართავს. შარლ მიშელი ოპოზიციონერებისგან პირადად მოისმენს პოლიტიკური დევნის შესახებ იმ ინფორმაციას, რასაც "ოცნების" ხელისუფლება ოპონენტების წინააღმდეგ ახორციელებს.
შტურმი მთავარი ოპოზიციური პარტიის ოფისზე, "ერთიანი ნაციონალური მოძრაობის", თავმჯდომარის ნიკა მელიას სპეცრაზმით დაკავება, არჩევნების ტოტალური გაყალბება და მიტაცებული ხელისუფლება - ეს მცირე ჩამონათვალია იმ ფაქტებისა, რაზეც პოლიტიკური პარტიების ლიდერები ევროპული საბჭოს პრეზიდენტთან შეხვედრაზე იმსჯლებენ.
ოპოზიციაში ამბობენ, რომ სწორედ მიტაცებული ხელისუფლებისა და ოლიგაქიული მმართველობის გამო ითხოვენ:ვადამდელ არჩევნებს და უარს ამბობენ ერთპარტიულ პარლამენტში შესვლაზე.

"გარდა იმისა,რომ მხოლოდ აღშფოთებას აღარ გამოთქვამენ, კონკრეტულ ქმედებებზე გადავიდნენ და რადგანაც ვერცერთი ენა ვერ შეაგნებინეს - დიპლომატიური ენის გაგებაზე უარს აცხადებს "ქართული ოცნება", ფაქტიურად უკვე გადადგეს ქმედითი ნაბიჯები და ჩამოვიდნენ საქართველოში, იქნებ აქ ადგილზე მაინც აუხსნან, რომ ქვეყნის დემოკრატიისთვის არის, რომ შედგეს მოლაპარაკება სხვანაირად ამ კრიზისიდან გამოსავალი არ არის", - ამბობს "ენმ"-ის წევრი, ნონა მამულაშვილი.