მთავარი ოპოზიციური პარტიის სათავო ოფისში შეჭრისა და „ერთიანი ნაციონალურო მოძრაობის“ ლიდერის ნიკა მელიას დაკავების შესახებ გადაწყვეტილება მიუღებელია, - ამის შესახებ ევროპარლამენტარი ანნა ფოტიგა სოციალურ ქსელ „ტვიტერში“ წერს.
პოლონელი პილიტიკოსის თქმით, საქართველოში პოლიტიკური კრიზისი არ შეიძლება ძალის გამოყენებით მოგვარდეს.
„საქართველოში პოლიტიკური კრიზისი არ შეიძლება ძალის გამოყენებით, აგრესიითა და შეურაცხმყოფელი განცხადებების გაკეთებით მოგვარდეს. ამ ღამის მოვლენები კოშმარი იყო. ჩვენ ყველანი სხვაგვარ საქართველოზე ვოცნებობთ,“- წერს ანნა ფოტიგა.