ეს ბრძოლა ახლა იწყება - მიმართა აქციაზე სიტყვით გამოსვლისას შეკრებილებს "ევროპული საქართველოს" ერთ ერთმა ლიდერმა გიგი უგულავამ.

"ჩვენი შვილია ეს ქვეყანა და ამ ვირიშვილებმა აიღეს და დაარბიეს, მაგრამ ჩვენ ბრძოლას არ შევწყვეტთ, ეს ბრძოლა ახლა იწყება, ეს ბრძოლა ციხიდან იწყება, ეს ბრძოლა აქედან იწყება და ეს ბრძოლა გამარჯვებით დასრულდება", - განაცხადა უგულავამ აქციაზე სიტყვით გამოსვლისას.

შეგახსენებთ, რომ მთავრობის ადმინისტრაციის წინ ოპოზიციის აქცია ამ წუთებში მიმდინარეობს.  მთავრობის კანცელარიასთან ოპოზიციური პარტიების წარმომადგენლებმა, 15:00 საათზე აქცია, მას შემდეგ დაანონსენს, რაც "ნაციონალური მოძრაობის" ოფისში სპეცრაზმი შეიჭრა და ძალის გამოყენებით ნიკა მელია დააკავა.