არავითარი კრიზისი არ არსებობს დღეს ქვეყანაში - ღარიბაშვილი
ირაკლი ღარიბაშვილის შეფასებით, ქვეყანაში არავითარი კრიზისი არაა და "დესტრუქციული ძალები" ვითარების წარმოჩენას ცდილობენ ისე თითქოს, ყველაფერი ცუდადაა. ღარიბაშვილი ამბობს, რომ კრიზისი ხელოვნურადაა შექმნილი:
ტყუილად ცდილობენ ჩვენი ოპონენტებად წოდებული რადიკალური, დესტრუქციული ძალები ჩვეული საინფორმაციო, ფსიქოლოგიური კამპანიის პირობებში პოლიტიკური სურათის იმგვარად წარმოჩენას, თითქოს ჩვენ გვაქვს რაღაც განსაკუთრებული კრიზისი.
ეს კრიზისი არის ხელოვნურად შექმნილი, მეგობრებო. არავითარი კრიზისი არ არსებობს დღეს ქვეყანაში, გარდა იმ კრიზისებისა, რომელიც მე ჩამოვთვალე - ეს არის პანდემია, ეკონომიკა, სიღარიბე და ასე შემდეგ..."- ამბობს ღარიბაშვილი