კარლ ჰარცელი - მე და ჩემი კოლეგები ვმუშაობთ, რომ მხარეები მოლაპარაკების მაგიდას დაუბრუნდნენ
საქართველოში ევროკავშირის ელჩი კარლ ჰარცელი ქვეყანაში შექმნილ პოლიტიკურ მდგომარეობაზე საუბრობს და ორივე მხარეს მოუწოდებს აიღონ პასუხისმგებლობა, რათა ქვეყანაში მდგომარეობა დასტაბილურდეს.
"ორივე მხარემ უნდა გამოიჩინოს პასუხისმგებლობა და ლიდერობა, რათა სიტუაცია დასტაბილურდეს და სწორ კალაპოტში დაბრუნდეს. მე და ჩემი კოლეგები ვმუშაობთ იმაზე, რომ მხარეები მოლაპარაკების მაგიდას დაუბრუნდნენ", - განაცხადა კარლ ჰარცელმა.მან ასევე კონსტიტუციის 100 წლის იუბილეზეც ისაუბრა და ქართველებს ეს დღე მიულოცა. ჰარცელის თქმით, მისთვის, როგორც ევროპელისთვის კონსტიტუცია აღფრთოვანებას იწვევს, რადგან მასში იკითხება ნათელი მესიჯი, რომ საქართველო დიდი ევროპული ოჯახის ნაწილია.