ღარიბაშვილის სურვილი ოთხკედელშუა ჩემი ხილვა იქნება, მაგრამ ეს გამორიცხულია - ნიკა მელია
ენმ-ის თავმჯდომარე ნიკა მელია, რომლის დაპატიმრების ღონისძიებები, პრემიერმინისტრ გახარიას გადადგომის შემდეგ, ხელისუფლებამ დროებით გადადო, აცხადებს, რომ ახალი პრემიერმინისტრი მას ბორკილებს ვერ დაადებს და ვერც ოთხკედელშუა გამოამწყვდევს.
პრემიერად ირაკლი ღარიბაშვილის წარდგენასა და მის შესაძლო მოქმედებებს ნიკა მელიას საკითხზე, ოპოზიციის სხვა ლიდერებიც ეხმაურებიან.
"ირაკლი ღარიბაშვილს, რა თქმა უნდა, ექნება უდიდესი სურვილი, რომ რამენაირად, "გავრილოვის საქმის" ფარგლებში, მიხილოს მე ოთკედელშუა, მაგრამ ეს გამორიცხულია. თუმცა ის ამას ეცდება, რათა ივანიშვილს დაუმტკიცოს თავისი ერთგულება, მაგრამ ვერც ივანიშვილი, ვერც ღარიბაშვილი, განსაკუთრებით, "გავრილოვის საქმის" გამო, ვერავის დაადებენ ბორკილებს და მე ვერ ვიქნები გამონაკლისი", - განაცხადა ნიკა მელიამ.აქვე გეტყვით, რომ ნიკა მელიამ "ღამის მთავარში" განაცხადა, რომ ოფისში ჩაკეტვას არ აპირებს, ქუჩაშიც ივლის, მაგრამ მარტო არ იქნება.
პრემიერად ირაკლი ღარიბაშვილის წარდგენასა და მის შესაძლო მოქმედებებს ნიკა მელიას საკითხზე, ოპოზიციის სხვა ლიდერებიც ეხმაურებიან.