"გამარჯვებული საქართველოს" ლიდერის, ირაკლი ოქრუაშვილის განცხადებით, სასამართლოს დღევანდელი გადაწყვეტილებით, ივანიშვილმა შეურაცხყოფა მიაყენა ყველა თავისუფალ, პატრიოტ და წესიერ ადამიანს. 

"ეჭვი არ მეპარება, რომ ბატონმა ივანიშვილმა უკვე უპატაკა გავრილოვს ის საჩუქარი, რომელიც სპეციალურად მისთვის მოამზადა - ნიკა მელიას დაპატიმრების ვერდიქტი. შარშან, როდესაც 5 წლით თავისუფლების აღკვეთა მომისაჯეს პირადად მე გავრილოვის ღამის გამო და შემდეგ გაგვათავისუფლეს მე და გიგი უგულავა პრეზიდენტის შეწყალების აქტით, კანონმორჩილი მოქალაქის გულუბრყვილობით ვიფიქრე, რომ ივანიშვილმა სწორი დასკვენა გააკეთა, ამ თემიდან დისტანცირებას ახდენს და აღარ დაუბრუნდებოდა, მაგრამ დღეს ნიკა მელიასთვის პატიმრობის შეფარდებით, რომელიც იყო მისი ერთპიროვნული გადაწყვეტილება, ამ გადაწყვეტილებით მან შეურაცხყოფა მიაყენა ჩვენი ქვეყნის ყველა წესიერ, პატროტ, თავსიუფლებითვსი მებრძოლ ადამიანს", - თქვა ირაკლი ოქრუაშვილმა. 

მისი თქმით, ეს უკვალოდ არ ჩაივლის და ოპოზიციის ერთობა გაცდა პარტიულ ჩარჩოებს. ოქრუაშვილის განცხადებით, რა ფასადაც არ უნდა დაუჯდეთ, დათმობაზე არ წავლენ.