25/12/202 119 ნახვა წყარო: radiotavisupelba.geფოტო: radiotavisupelba.ge

სოხუმში აღშფოთებულები არიან „საქართველოს სამხედრო პოტენციალის“ ზრდით

ოკუპირებული აფხაზეთის ე.წ. ხელისუფლების წარმომადგენლები აღშფოთებულები არიან „საქართველოს სამხედრო პოტენციალის ზრდით“. ამასთანავე, სოხუმი აპირებს, განმარტებები აშშ-ის წარმომადგენლებს მოსთხოვოს, - ნათქვამია ოკუპირებული აფხაზეთის ე.წ. საგარეო საქმეთა სამინისტროს განცხადებაში, რომელშიც საქართველოს მიერ საბრძოლო დრონების შეძენის გეგმაზეა ძირითადი აქცენტი გადატანილი.
„სამხედრო პოტენციალის აქტიური ზრდის ფონზე, საქართველოს ხელისუფლება ცდილობს, თავისი ქმედებები დააფუძნოს რეგიონში სტაბილურობისა და უსაფრთხოების გადაუდებელ აუცილებლობაზე. თუმცა ძალზე რთულია გაამართლო სადაზვერვო და სამხედრო უპილოტო საფრენი აპარატების შეძენის გეგმები თავდაცვითი ინტერესებით.
მთიან ყარაბაღში ბოლო დროს განვითარებული მოვლენების ფონზე, სადაც აქტიურად გამოიყენებდნენ უპილოტო საბრძოლო საფრენ აპარატებს და რომლის დამსახურებითაც აზერბაიჯანის მხარემ შეტევითი ოპერაცია განავითარა, განსაკუთრებულ აქტუალობას იძენს საქართველოს გეგმები, შეიძინოს თანამედროვე შეიარაღება. სავსებით ნათელია, რომ შეიარაღების ეს თანამედროვე საშუალებები შესაძლოა გამოყენებულ იქნეს დაურეგულირებელი კონფლიქტების ძალისმიერი გადაწყვეტისათვის“, - აღნიშნულია ოკუპირებული აფხაზეთის ე.წ. საგარეო საქმეთა სამინისტროს განცხადებაში.
სოხუმში მიიჩნევენ, რომ თბილისის ქმედებები აჩვენებს „საქართველოს დაუფარავ მტრულ დამოკიდებულებას თავის უახლოეს მეზობლებთან და სრულად უკარგავს ფასს არსებული კონფლიქტების მშვიდობიანი დარეგულირების დეკლარირებულ ნაბიჯებს“.
განცხადებაში აღნიშნულია ისიც, რომ ეჭვგარეშეა, რომ საქართველოს მილიტარიზაციის კურსი აქტიურადაა მხარდაჭერილი ოფიციალური ვაშინგტონის მიერ:
„ვითვალისწინებთ რა შექმნილ ვითარებას, აფხაზეთის მხარე აპირებს მოითხოვოს შეერთებული შტატების წარმომადგენლებისგან დეტალური განმარტება საქართველოს ხელისუფლების მიერ სამხედრო პოტენციალის გაზრდის განზრახვების შესახებ. მოვითხოვთ ასევე საფუძვლიან არგუმენტაციას ასეთი მაღალი სიზუსტისა და ძალზე ეფექტიანი შეტევითი შეიარაღების ჩვენს რეგიონში შემდგომი გამოყენების გეგმებთან დაკავშირებით“, - აღნიშნულია განცხადებაში.
თვითაღიარებული რესპუბლიკის ე.წ. საგარეო საქმეთა სამინისტროს განცხადება გამოხმაურებაა 22 დეკემბერს საქართველოს პარლამენტში ირაკლი ღარიბაშვილის მიერ გაკეთებულ განცხადებაზე, რომელიც საბრძოლო „დრონების" შეძენის განზრახვას შეეხება.
„2021 წელს ჩვენ შევიძენთ ოპერატიულ და ტაქტიკურ უპილოტო სადაზვერვო და საბრძოლო „დრონებს“. სამანევრო და საარტილერიო ქვედანაყოფებს აღვჭურვავთ თანამედროვე სადაზვერვო საფრენი აპარატებით, განვავითარებთ რადიოელექტრონულ და სადაზვერვო სათვალთვალო საშუალებებს“, - თქვა თავდაცვის მინისტრმა ირაკლი ღარიბაშვილმა სამთავრობო პროგრამის თავდაცვის ნაწილის წარდგენისას. ამას გარდა, მან აღნიშნა, რომ ცოტა ხნის წინ ხელი მოეწერა ხელშეკრულებას ისრაელთან საქართველოს ჰაერსაწინააღმდეგო სისტემის განახლებისა და მოდერნიზების შესახებ.
share on FacebookShare on Twitter უკან დაბრუნება წინა სტატია შემდეგი სტატია გასაჩივრება

      საინფორმაციო გამოშვებები

    • მთავარი 12-ზე - 2 თებერვალი, 2024.
      12 საათზე, 2 თებ
    • კურიერი 12-ზე - 2 თებერვალი, 2024.
      12 საათზე, 2 თებ
    • მოამბე 12 საათზე - 2 თებერვალი, 2024.
      12 საათზე, 2 თებ
    • მთავარი 9-ზე - 1 თებერვალი, 2024.
      9 საათზე, 1 თებ
    • მოამბე 21 საათზე - 1 თებერვალი, 2024.
      9 საათზე, 1 თებ
    • კურიერი - 1 თებერვალი, 2024.
      9 საათზე, 1 თებ

    • ბოლოს დამატებული გადაცემები

    • ვანოს შოუ - 2 თებერვალი.
      3 თებერვალი
    • მრგვალი მაგიდა - 1 თებერვალი, 2024.
      2 თებერვალი
    • სხვა რაკურსი - 1 თებერვალი, 2024.
      2 თებერვალი
    • ღამის მთავარი - 1 თებერვალი, 2024. ნიკა გვარამია
      1 თებერვალი
    • რეაქცია - 1 თებერვალი, 2024.
      1 თებერვალი
    • პოლიტმეტრი - 1 თებერვალი, 2024.
      1 თებერვალი
    • ანეგდოტების შოუ - 1 თებერვალი, 2024.
      1 თებერვალი
    • პირველი ხაზი - 1 თებერვალი, 2024.
      1 თებერვალი
    • განკითხვის დღე - 1 თებერვალი, 2024.
      1 თებერვალი
    • სპექტრი - 1 თებერვალი, 2024. გედევან ფოფხაძე
      1 თებერვალი
    • დღის სტუმარი - 1 თებერვალი, 2024.
      1 თებერვალი
    • საქმის კურსი - 1 თბერვალი, 2024.
      1 თებერვალი
HM Cabinets

ბიზნეს დირექტორია

ამერიკაში არსებული ბიზნესების და პროფესიონალების ჩამონათვალი

  • 40

Natalia Vassilieva

(718) 676-9061
BROOKLYN, NY
  • 80

Greg Prosmushkin

(215) 543-7220
PHILADELPHIA, PA
  • 60

Tatyana Edwards-Behar

(619) 699-5875
San Diego, CA
  • 100

PA Auto Inspection

(215) 259-7500
Philadelphia, PA
  • 60

წმ.თამარ მეფის ეკლესია

(571) 213-8895
Washington, D.C.