მედიის ცნობით, თურქეთმა სირიის ოპოზიციურ ძალებთან ერთად სირიაში სამხედრო ოპერაცია დაიწყო
თურქეთმა სირიაში ქვეყნის ოპოზიციურ ძალებთან ერთად სამხედრო ოპერაცია დაიწყო. ინფორმაციას რუსეთის და სირიის მედია ტელეარხ „ალ ჯაზირაზე“ დაყრდნობით ავრცელებს. არსებული ინფორმაციით, თურქეთის არმიის დანაყოფები სირიის ოპოზიციონერ ძალებთან ერთად სამთავრობო ძალების პოზიციებს ინტენსიურად ბომბავენ, სადაც პრეზიდენტ ბაშარ ალ-ასადის ძალები და მისი მოკავშირეები არიან გამაგრებული. სირიის მედიის ცნობით, არმია და რუსული ავიაცია თავდასხმებს იდლიბის მიმდებარე არიჰას რეგიონში ახორციელებენ, სადაც ოპოზიციის ძალების ნაწილი იმყოფება.
ცნობისთვის, გუშინ, თურქეთის პრეზიდენტმა, რეჯეფ ტაიფ ერდოღანმა სირიის მთავრობა და რუსეთი გააფრთხილა, რომ იდლიბს „რეჟიმის ხელში არ დატოვებდა“ და დასძინა, რომ ეს მისი „უკანასკნელი გაფრთხილებაა“.
ცნობისთვის, გუშინ, თურქეთის პრეზიდენტმა, რეჯეფ ტაიფ ერდოღანმა სირიის მთავრობა და რუსეთი გააფრთხილა, რომ იდლიბს „რეჟიმის ხელში არ დატოვებდა“ და დასძინა, რომ ეს მისი „უკანასკნელი გაფრთხილებაა“.