დავით ბაქრაძე - დღეს საარჩევნო ყუთების გადათვლით შეიძლება აღმოჩნდეს, რომ „ქართულ ოცნებას“ 70% აქვს და ოპოზიციამ გააყალბა არჩევნები
დღეს იმ ყუთების გადათვლით შეიძლება აღმოჩნდეს, რომ „ქართულ ოცნებას“ 70% აქვს და ოპოზიციამ გააყალბაარჩევნები ,- ამის შესახებ „ევროპული საქართველოს“ ლიდერმა დავით ბაქრაძემ განაცხადა და ხელისუფლების შეთავაზებას ბიულეტენების გადათვლასთან დაკავშირებით არასერიოზული წინადადება უწოდა.
როგორც ბაქრაძემ „პალიტრანიუსის“ გადაცემა „დღის ნიუსრუმში“ განაცხადა, როდესაც ბიულეტენების გადათვლის დრო იყო, მათი საჩივრები არ დააკმაყოფილეს, არც საოლქო საარჩევნო კომისიებში და არც რომელიმე ინსტანციის სასამართლოში.
ამასთანავე დავით ბაქრაძემ საგამოძიებო კომისიის შექმნის შესახებ შეთავაზებას ოპოზიციის პარლამენტში შესაყვანად დაგებული მახე უწოდა.
„დავიწყოთ იმით, რომ საკითხის ასე დაყენება - პარლამენტში შემოდი და მერე გამოვიძიოთ და ვნახოთ რა იქნებაო, არასწორია. „ოცნების“ ხედვით, კრიზისი უნდა განიმუხტოს პარლამენტში ოპოზიციის შეტყუებით და არა რეალურად გამოსავლის მოძებნით. ამიტომ სატყუარად ფულს დაგიდებენ, შემოდი და დაფინანსებას მოგცემო, თუ კომისიას დაგიდებენ, რომ შემოდი და კომისიას შეგიქმნიო, დიდი განსხვავება არ არის. თანაც, მეორე, დღეს რა უნდა გამოიკვლიოს ამ კომისიამ მაშინ, როდესაც ჩვენ შეგვქონდა ასეულობით საჩივარი და არცერთი საჩივარი არ განიხილა ცესკო-მ შინაარსობრივად. ყველა ინსტანციის სასამართლოში გვქონდა შეტანილი და ყველა ინსტანციის სასამართლომ უარი გვითხრა საჩივრებზე. მაშინ, როცა საჩივრების განხილვის, მართლა შემოწმებისა და გადამოწმების დრო იყო, ყველაფერზე უარი გვითხრეს და დღეს უნდა გადავთვალოთ იმ ყუთებში რამე ? ვინ იცის რა არის შიგნით? დღეს იმ ყუთების გადათვლით შეიძლება აღმოჩნდეს, რომ „ქართულ ოცნებას“ 70% აქვს და ოპოზიციამ გააყალბა არჩევნები. ვინმემ იცის, რა დევს იმ ყუთებში თვენახევრის შემდეგ? როგორ შეიძლება სერიოზულად აღიქვა წინადადება, რომ ყუთი, რომელიც ჩაკეტილია უბანზე, რომლის გასაღებიც უბნის თავმჯდომარეს აქვს, რომელიც „ქართული ოცნების“ არის, რომლის ბეჭედი და ლუქი აქვს უბნის თავმჯდომარესა და ოლქის თავმჯდომარეს, რომელიც „ქართული ოცნების“ არის, თვენახევრის შემდეგ შეხვიდე და ასეთ პირობებში ბიულეტენები შეამოწმო? იმ ყუთებით დღეს შეიძლება, ცხონებული ბრეჟნევი აირჩიოს საქართველოს პრეზიდენტად, ნებისმიერი ბიულეტენი შეიძლება ეგდოს იმ ყუთში თვენახევრის შემდეგ, ეს ხომ არასერიოზული წინადადებაა. ეს უნდა გაკეთებულიყო არჩევნების მერე, ამიტომ გვქონდა საჩივრები, 800-მდე საჩივარი ჰქონდა ჩვენს პარტიას მხოლოდ დაწერილი. სხვა პარტიებს ჰქონდათ საჩივრები“, - განაცხადა დავით ბაქრაძემ.
როგორც ბაქრაძემ „პალიტრანიუსის“ გადაცემა „დღის ნიუსრუმში“ განაცხადა, როდესაც ბიულეტენების გადათვლის დრო იყო, მათი საჩივრები არ დააკმაყოფილეს, არც საოლქო საარჩევნო კომისიებში და არც რომელიმე ინსტანციის სასამართლოში.
ამასთანავე დავით ბაქრაძემ საგამოძიებო კომისიის შექმნის შესახებ შეთავაზებას ოპოზიციის პარლამენტში შესაყვანად დაგებული მახე უწოდა.
„დავიწყოთ იმით, რომ საკითხის ასე დაყენება - პარლამენტში შემოდი და მერე გამოვიძიოთ და ვნახოთ რა იქნებაო, არასწორია. „ოცნების“ ხედვით, კრიზისი უნდა განიმუხტოს პარლამენტში ოპოზიციის შეტყუებით და არა რეალურად გამოსავლის მოძებნით. ამიტომ სატყუარად ფულს დაგიდებენ, შემოდი და დაფინანსებას მოგცემო, თუ კომისიას დაგიდებენ, რომ შემოდი და კომისიას შეგიქმნიო, დიდი განსხვავება არ არის. თანაც, მეორე, დღეს რა უნდა გამოიკვლიოს ამ კომისიამ მაშინ, როდესაც ჩვენ შეგვქონდა ასეულობით საჩივარი და არცერთი საჩივარი არ განიხილა ცესკო-მ შინაარსობრივად. ყველა ინსტანციის სასამართლოში გვქონდა შეტანილი და ყველა ინსტანციის სასამართლომ უარი გვითხრა საჩივრებზე. მაშინ, როცა საჩივრების განხილვის, მართლა შემოწმებისა და გადამოწმების დრო იყო, ყველაფერზე უარი გვითხრეს და დღეს უნდა გადავთვალოთ იმ ყუთებში რამე ? ვინ იცის რა არის შიგნით? დღეს იმ ყუთების გადათვლით შეიძლება აღმოჩნდეს, რომ „ქართულ ოცნებას“ 70% აქვს და ოპოზიციამ გააყალბა არჩევნები. ვინმემ იცის, რა დევს იმ ყუთებში თვენახევრის შემდეგ? როგორ შეიძლება სერიოზულად აღიქვა წინადადება, რომ ყუთი, რომელიც ჩაკეტილია უბანზე, რომლის გასაღებიც უბნის თავმჯდომარეს აქვს, რომელიც „ქართული ოცნების“ არის, რომლის ბეჭედი და ლუქი აქვს უბნის თავმჯდომარესა და ოლქის თავმჯდომარეს, რომელიც „ქართული ოცნების“ არის, თვენახევრის შემდეგ შეხვიდე და ასეთ პირობებში ბიულეტენები შეამოწმო? იმ ყუთებით დღეს შეიძლება, ცხონებული ბრეჟნევი აირჩიოს საქართველოს პრეზიდენტად, ნებისმიერი ბიულეტენი შეიძლება ეგდოს იმ ყუთში თვენახევრის შემდეგ, ეს ხომ არასერიოზული წინადადებაა. ეს უნდა გაკეთებულიყო არჩევნების მერე, ამიტომ გვქონდა საჩივრები, 800-მდე საჩივარი ჰქონდა ჩვენს პარტიას მხოლოდ დაწერილი. სხვა პარტიებს ჰქონდათ საჩივრები“, - განაცხადა დავით ბაქრაძემ.