თუ „ოცნება“ მოახერხებს და ერთ-ორ კაცს მაინც გადაიბირებს, მათ ხალხიც დასცინებს და თვითონ ხელისუფლებაც, - ამის შესახებ პოლიტიკური მოძრაობა “ტრიბუნას” ლიდერმა დავით ჭიჭინაძემ განაცხადა.
მისივე თქმით, ის ვინც ოპოზიციურ ერთობას დაანგრევს, საკადრის პასუხს მიიღებს. “გამოყენებული აგენტის იარლიყი ადვილად არ ირეცხება... თუ „ოცნება“ მოახერხებს და ერთ-ორ კაცს მაინც გადაიბირებს, მათ ხალხიც დასცინებს და თვითონ ხელისუფლებაც. პირადად მე კი, გავაკეთებ ყველაფერს, რომ ვინც ამ ერთობას დაანგრევს, საკადრისი პასუხი მიიღოს და დაუნდობელი ბრძოლა გამოუცხადონ, რადგან ისინი საკუთარ ინტერესებზე ცვლიან სახელმწიფოს ინტერესებს და მათი ადგილი პოლიტიკაში კი არა, საზოგადოებაშიც არ უნდა იყოს, რადგან ეს არის ბრძოლა ქვეყნის, ძალაუფლების მიტაცებას და ქვეყნის დაბრუნებას შორის!” - აცხადებს დავით ჭიჭინაძე.
ცნობისთვის, ოპოზიცია ბოიკოტს უცხადებს 2020 წლის საპარლამენტო არჩევნებს და პარლამენტში შესვლას არ აპირებს.