რუსეთში ბოლო 24 საათში კორონავირუსის 28 782 ახალი შემთხვევა დაფიქსირდა და ინფიცირებულთა საერთო რაოდენობა 2 431 731-მდე გაიზარდა. აღსანიშნავია, რომ გასული დღე-ღამის განმავლობაში გამოვლენილი ინფიცირების შემთხვევები რეკორდულად მაღალი დღიური მაჩვენებელია ქვეყნისთვის პანდემიის დაწყების დროიდან. ამასთან, ქვეყანაში კიდევ 508 ინფიცირებული გარდაიცვალა. პანდემიის დაწყებიდან დღემდე რუსეთში 42 684 ფატალური შემთხვევაა დადასტურებული. რაც შეეხება გამოჯანმრთელებულთა რაოდენობას, რუსეთში ვირუსისგან 1 916 396 ადამიანი გამოჯანმრთელდა.
რუსეთი კორონავირუსის დადასტურებული შემთხვევების რაოდენობით მსოფლიოში, აშშ-ის, ინდოეთისა და ბრაზილიის შემდეგ მეოთხე ადგილზეა.