გამომძიებელი - ირაკლი ოქრუაშვილმა აქციის მონაწილეებს პოლიციის კორდონის გარღვევის მითითება ხელის მოძრაობით მისცა
20 ივნისის საქმეზე ბრალდებულ ირაკლი ოქრუაშვილის საქმეზე დაკითხული გამომძიებლის, თამაზ თაკაშვილის განცხადებით, ირაკლი ოქრუაშვილმა აქციის მონაწილეებს ხელის მოძრაობით პოლიციის კორდონის გარღვევის მითითება მისცა. აღნიშნულთან დაკავშირებით გამომძიებელმა სასამართლო პროცესზე განაცხადა, სადაც ის მოწმის სახით დაკითხეს.
თამაზ თაკაშვილის განმარტებით, პარლამენტის მიმდებარე ტერიტორიაზე საგამოძიებო მოქმედებების ჩატარების შედეგად შემთხვევის ადგილიდან ამოღებულ იქნა მინის ბოთლები, ასევე პლასტმასის ბოთლები, რომლებშიც ქვები იყო ჩაყრილი.
გამომძიებლის თქმითვე, ასევე დაზიანებული იყო პოლიციისა და „რობოკოპების“ აღჭურვილობები, ადგილზე ეყარა ხელკეტები, ჩამტვრეული იყო პარლამენტის შუშაც.
დღევანდელ სასამართლო პროცესზე, რომელსაც ბრალდებული არ ესწრებოდა, პროკურატურის 3 მოწმე დაიკითხება, სამივე მათგანი გამომძიებელია.
ირაკლი ოქრუაშვილი 20 ივნისის აქციის დარბევისას სისხლის სამართლის კოდექსის 225-ე მუხლით გათვალისწინებული დანაშაულისთვის დააკავეს, რაც ჯგუფური ძალადობის ორგანიზებას, ხელმძღვანელობას და მასში მონაწილეობას გულისხმობს.
თამაზ თაკაშვილის განმარტებით, პარლამენტის მიმდებარე ტერიტორიაზე საგამოძიებო მოქმედებების ჩატარების შედეგად შემთხვევის ადგილიდან ამოღებულ იქნა მინის ბოთლები, ასევე პლასტმასის ბოთლები, რომლებშიც ქვები იყო ჩაყრილი.
გამომძიებლის თქმითვე, ასევე დაზიანებული იყო პოლიციისა და „რობოკოპების“ აღჭურვილობები, ადგილზე ეყარა ხელკეტები, ჩამტვრეული იყო პარლამენტის შუშაც.
დღევანდელ სასამართლო პროცესზე, რომელსაც ბრალდებული არ ესწრებოდა, პროკურატურის 3 მოწმე დაიკითხება, სამივე მათგანი გამომძიებელია.
ირაკლი ოქრუაშვილი 20 ივნისის აქციის დარბევისას სისხლის სამართლის კოდექსის 225-ე მუხლით გათვალისწინებული დანაშაულისთვის დააკავეს, რაც ჯგუფური ძალადობის ორგანიზებას, ხელმძღვანელობას და მასში მონაწილეობას გულისხმობს.