Babajana LOGO

მალე 1000-ს გადააჭარბებს, პირბადის ტარება პატრიოტიზმია - გახარია

15 ოქტომბერს 2020 06:48ნახვები 514წყარო: ipn.geფოტო: ipn.ge
წესების დაცვა, პირბადის ტარება, ელემენტარული დისციპლინა და კანონების შესრულება პატრიოტიზმია - ამბობს გიორგი გახარია და მოსახლეობას მოუწოდებს პირბადეები უკვე ღია სივრცეებშიც ატარონ.
გარდა ამისა, პრემიერის პროგნოზით, უახლოეს დღეებში კორონავირუსის დღიური მაჩვენებელი 1000-ს გადააჭარბებს, თუმცა ირწმუნება, რომ ქვეყნის ჯანდაცვის სისტემა ამისთვის მზად არის და არანაირი საველე ჰოსპიტლების მოწყობა არ იგეგმება.
ყოველთვის ვამბობდით, რომ იქნებოდა მეორე ტალღა, მაგრამ მთავარია ჩვენ ეს პროცესი ვმართოთ. მიუხედავად იმისა, რომ დღეს გვაქვს 919 შემთხვევა და დიდი ალბათობით 1000-საც გადავაბიჯებთ და ეს ზრდა გაგრძელდება, მაგრამ ჯანდაცვის სისტემა ამ დარტყმას გაუძლებს“ - ამბობს გახარია.
პრემიერი სრულ ლოკდაუნს კატეგორიულად გამორიცხავს და ამბობს, რომ შეზღუდვები იქნება წერტილოვანი.
მთავრობის გადაწყვეტილებით, შეზღუდვები თბილისსა და ქუთაისში ხვალიდან ამოქმედდება.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
Georgian Bread
MAX Chania