Babajana LOGO

ესკალაციის დაწყებიდან სახმელეთო და საჰარეო მარშრუტით სამხედრო ტვირთებს არ ვატარებთ - გომელაური

03 ოქტომბერს 2020 04:30ნახვები 852წყარო: mtavari.tvფოტო: mtavari.tv
შინაგან საქმეთა მინისტრის, ვახტან გომელაურის განცხადებით, საქართველოს გავლით სომხეთისა და აზერბაიჯანის მიმართულებით სატრანზიტო გადაზიდვები შეუფერხებლად მიმდინარეობს. მისივე თქმით, საქართველოს მთავრობამ, ესკალაციის დაწყებისთანავე, დროებით შეაჩერა ნებართვების გაცემა საკუთარ ტერიტორიაზე, სახმელეთო და საჰაერო მარშრუტებით სამხედრო ტვირთების გატარებაზე. 
ამ საკითხზე გომელაურმა ეროვნული უსაფრთხოების საბჭოს სხდომის შემდეგ ისაუბრა.
"აღსანიშნავია, რომ კონფლიქტის გამწვავების მომენტიდან საქართველოს მიერ სამოქალაქო საჰაერო სატვირთო გადაზიდვების მიზნებისათვის რაიმე სახის შეზღუდვები არ დაწესებულა და არც დაწესდება. ამასთან, აზერბაიჯანსა და სომხეთს შორის მიმდინარე სამხედრო მოქმედებების გამო, საქართველოს მთავრობამ, ესკალაციის დაწყებისთანავე, დროებით შეაჩერა ნებართვების გაცემა საკუთარ ტერიტორიაზე, სახმელეთო და საჰაერო მარშრუტებით სამხედრო ტვირთების გატარებაზე ორივე ქვეყნის მიმართულებით. ამის თაობაზე მხარეები ინფორმირებულნი იყვნენ", - თქვა გომელაურმა.
გომელაურის თქმით, სატრანზიტო გადაზიდვების ინტენსივობა მაღალია და  აღნიშნული მაჩვენებელი არ შეცვლილა სამხედრო კონფლიქტის განახლების შემდეგ. მისივე განმარტებით, საერთაშორისო სატრანზიტო გადაზიდვებთან დაკავშირებით ქართული მხარე საერთაშორისო ვალდებულებებს სრულად ასრულებს.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
Georgian Bread
MAX Chania