ამირან გამყრელიძე ამბობს, რომ ჩაქვის ოაზისში 400 ექიმის შეკრება არ ყოფილა და ადგილზე დაახლოებით 200 მედიკოსი იმყოფებოდა. დაავადებათა კონტროლის ცენტრის ხელმძღვანელმა ქვეყანაში არსებულ ეპიდვითარებაზე ბათუმში მიმდინარე კონფერენციის დროს ისაუბრა.
"კოვიდ 19 მსოფლიოში და საქართველოში "- ამ თემაზე აჭარაში სემინარი მიმდინარეობს, რომელსაც ჟურნალისტებიც ესწრებიან. 
ამირან გამყრელიძე ამბობს, რომ ქვეყანაში ინფიცირების მაჩვენებლების ზრდა მოსალოდნელი იყო:
ქვეყანაში სერიოზულად შემსუბუქდა ე.წ. შეზღუდვების რეჟიმი და გასაკვირი არ არის რომ გვაქვს ზრდა აჭარაში. აქ მოხდა დიდი რაოდენობით ადამიანების კონცენტრაცია - ამბობს გამყრელიძე.
შეგახსენებთ, რომ 5 სექტემბრის მონაცემებით, ქვეყანაში კორონავირუსის 25 ახალი შემთხვევა დადასტურდა, აქედან 9 საკონდიტრო დონას კლასტერია, რომელიც სწორედ ბათუმში მდებარეობს.
ასევე ცნობილია, რომ კორონავირუსი დაუდასტურდა "აჭარის ტელევიზიის" თანამშრომელსაც