"მღებრიშვილმა დანაშაული აღიარა" - ოკუპირებული ცხინვალის ე.წ. უზენაესი სასამართლო
ოკუპირებული ცხინვალის ე.წ. უზენაესი სასამართლოს ინფორმაციით, "სახელმწიფო საზღვრის უკანონო გადაკვეთაში ბრალდებულმა" ხვიჩა მღებრიშვილმა დანაშაული აღიარა. როგორც მათ მიერ გავრცელებულ განცხადებაშია ნათქვამი, მან "სასამართლოს ჰუმანურობისა და ობიექტური განაჩენისთვის მადლობა გადაუხადა".
ცხინვალის რაიონულმა სასამართლომ მღებრიშვილი სახელმწიფო საზღვრის უკანონო გადაკვეთაში ბრალდებულად სცნო და 3-თვიანი პატიმრობა მიუსაჯა. მღებრიშვილმა დანაშაული აღიარა, - წერია განცხადებაში.შეგახსენებთ, რომ მეჯვრისხეველი ხვიჩა მღებრიშვილი ოკუპანტებმა 3 ივლისს გაიტაცეს და 21 აგვისტოს ე.წ. სასამართლომ მას წინასწარი 3-თვიანი პატიმრობა შეუფარდა. დე-ფაქტო ცხინვალის მტკიცებით, დაკავებული ოკუპირებულ ტერიტორიაზე ღამურების დასაჭერად გადავიდა, რომელთა რეალიზაციასაც აშშ-ს მოქალაქეებზე გეგმავდა.
საოკუპაციო რეჟიმის წარმომადგენლებმა მოგვიანებით ვერსია შეცვალეს და ახლა მღებრიშვილს მხოლოდ ე.წ. საზღვრის გადაკვეთას ედავებიან.
გატაცებულის ოჯახი საქართველოს ხელისუფლების უმოქმედობაზე საუბრობს და მღებრიშვილის გათავისუფლებისთვის 10 დღიან ვადას აძლევს, წინააღმდეგ შემთხვევაში აქციებითა და ავტობანის გადაკეტვით იმუქრება. ოჯახი სატელეფონო მუქარებზეც საუბრობს დ ამბობენ, რომ უცნობმა პირმა მათ დაურეკა და გაჩუმება მოსთხოვა. 21 აგვისტოს მღებრიშვილებთან სუს-ის მაღალჩინოსნები ჩავიდნენ.
ცხინვალის რაიონულმა სასამართლომ მღებრიშვილი სახელმწიფო საზღვრის უკანონო გადაკვეთაში ბრალდებულად სცნო და 3-თვიანი პატიმრობა მიუსაჯა. მღებრიშვილმა დანაშაული აღიარა, - წერია განცხადებაში.შეგახსენებთ, რომ მეჯვრისხეველი ხვიჩა მღებრიშვილი ოკუპანტებმა 3 ივლისს გაიტაცეს და 21 აგვისტოს ე.წ. სასამართლომ მას წინასწარი 3-თვიანი პატიმრობა შეუფარდა. დე-ფაქტო ცხინვალის მტკიცებით, დაკავებული ოკუპირებულ ტერიტორიაზე ღამურების დასაჭერად გადავიდა, რომელთა რეალიზაციასაც აშშ-ს მოქალაქეებზე გეგმავდა.
საოკუპაციო რეჟიმის წარმომადგენლებმა მოგვიანებით ვერსია შეცვალეს და ახლა მღებრიშვილს მხოლოდ ე.წ. საზღვრის გადაკვეთას ედავებიან.
გატაცებულის ოჯახი საქართველოს ხელისუფლების უმოქმედობაზე საუბრობს და მღებრიშვილის გათავისუფლებისთვის 10 დღიან ვადას აძლევს, წინააღმდეგ შემთხვევაში აქციებითა და ავტობანის გადაკეტვით იმუქრება. ოჯახი სატელეფონო მუქარებზეც საუბრობს დ ამბობენ, რომ უცნობმა პირმა მათ დაურეკა და გაჩუმება მოსთხოვა. 21 აგვისტოს მღებრიშვილებთან სუს-ის მაღალჩინოსნები ჩავიდნენ.