Babajana LOGO

სერგეი გავრილოვმა „აფხაზეთის კეთილი ნების ელჩის“ სტატუსი მიიღო

17 ივლისს 2020 15:37ნახვები 1 217წყარო: radiotavisupelba.geფოტო: radiotavisupelba.ge
დღეს, 17 ივლისს ოკუპირებულ სოხუმში ჩატარდა პრესკონფერენცია საქველმოქმედო მოძრაობის „აფხაზეთის კეთილი ნების ელჩები“. სოციალური პლატფორმის „აფხაზეთის მომავლის“ თანათავმჯდომარის მილანა ხაშბას თქმით, „აფხაზეთის კეთილი ნების ელჩების“ ახალ შემადგენლობაში აფხაზური და რუსული მხარეებიდან 10-10 ადამიანი შევიდა.
სხვადასხვა პროფესიის ადამიანებთან ერთად „აფხაზეთის კეთილი ნების ელჩების“ სტატუსი ერგო რუსეთის დუმის დეპუტატს სერგეი გავრილოვს. ეს სტატუსი ასევე მიიღეს რუსეთის სახალხო არტისტმა ნიკოლაი ბასკოვმა, მომღერალმა ვალერიამ და სხვ.
„აფხაზეთის კეთილი ნების ელჩის“ მოძრაობა 2017 წლის ივნისში, მოსკოვში დაარსდა. ის საქმიანობს ჰუმანიტარულ პროექტებში ჯანდაცვის, განათლებისა და სპორტის მიმართულებით.
გავრილოვი საქართველოში ფართო საზოგადოებისთვის ცნობილი გასულ წელს გახდა. 2019 წლის 20-21 ივნისს მოქალაქეების პროტესტი რუსი დეპუტატის საქართველოს პარლამენტის თავმჯდომარის სკამიდან სხდომის წაყვანამ გამოიწვია.
კომუნისტი დეპუტატი, რომელსაც ხმა აქვს მიცემული აფხაზეთისა და სამხრეთ ოსეთის დამოუკიდებლობისთვის, საქართველოში მართლმადიდებელი საპარლამენტთაშორისო ასამბლეის ფორუმზე იმყოფებოდა.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
MAX Chania