ზუგდიდში, დადიანის ქუჩაზე სპეცოპერაცია მიმდინარეობს. ქუჩა გადაკეტილია. "მთავარი არხის" ინფორმაციით, დაკავებულია "ტყის ძმების" ლიდერის დავით შენგელიას შვილი, დადუა შენგელია, რომელიც საცხოვრებელი სახლის ეზოში დააკავეს.
არსებული ინფორმაციით, სამართალდამცავები შენგელიას საცხოვრებელ ბინაში ნარკოტიკულ საშუალებებსა და ცეცხლსასროლ იარაღს ეძებს. 
სპეცოპერაციას თბილისის ცენტრალური კრიმინალური დეპარტამენტი ატარებს. ადგილზე მობილიზებულია საპატრულო პოლიცია, კრიმინალისტები და სპეც დანიშნულების რაზმი.