გერმანიის ელჩის, ჰუბერტ კნირშის განცხადებით, 2008 წლის აგვისტოს ომი რუსეთის ფედერაციის ინტერესებში იყო, თუმცა საქართველოს მთავრობის ქმედებებმა მათ საბაბი მისცა, ქვეყანაში შემოჭრილიყვნენ. ეს განცხადება გერმანიის ელჩმა გადაცემაში Пограничная ZONA გააკეთა.
„ომი 2008 წელს იყო რუსეთის ინტერესში, თუმცა საქართველოს მთავრობის მიერ გადადგმულმა ნაბიჯებმა, მათ შორის სამხედრო მოქმედებებმა, მისცა საბაბი, შეჭრილიყო საქართველოში", - ამბობს კნირში. 
ჰუბერტ კნირში საქართველოში გერმანიის ელჩის თანამდებობას 2018 წლის სექტემბრიდან იკავებს. იქამდე დიპლომატი რუსეთის ფედერაციაში გერმანიის საელჩოს პოლიტიკურ განყოფილებას ხელმძღვანელობდა.
ბოლო პერიოდში ჰუბერტ ქნირშის გაკეთებულ განცხადებას გიორგი რურუასთან დაკავშირებით ოპოზიციის მხრიდან კრიტიკა მოჰყვა. ოპოზიციის განცხადებებს კი მმართველი ძალა გამოეხმაურა და დიპლომატს ბოდიში მოუხადა.