Babajana LOGO

"მთავარი არხის" ინფორმაციით - გიორგი გახარია პოსტს ტოვებს

03 ივნისს 2020 07:18ნახვები 1 832წყარო: mtavari.tvფოტო: mtavari.tv
პრემიერ მინისტრი გიორგი გახარია პოსტს ტოვებს - გუშინ ბიძინა ივანიშვილსა და გახარიას შეხვედრა შედგა.  "მთავარი არხის" ინფორმაციით, აღნიშნულ შეხვედრაზე ქვეყნის არაფორმალურმა მმართველმა პრემიერ მინისტრს თანამდებობის დატოვება მოსთხოვა, რაზეც გახარიასგან უარი მიიღო. 
ჩვენი წყაროს ინფორმაციით, გადაწყვეტილება, რომ გიორგი გახარია 20 ივნისს, გავრილოვის ღამის ერთი წლისთავზე პრემიერი აღარ იქნება, საბოლოოდ მიღებულია.
ახალი პრემიერ მინისტრის თანამდებობაზე განიხილება სამი ადამიანის კანდიდატურა - სუს-ის ხელმძღვანელი გრიგოლ ლილუაშვილი, იუსტიციის მინისტრი თეა წულუკიანი და რეგიონული განვითარებისა და ინფრსტრუქტურის მინისტრი მაია ცქიტიშვილი. 
მთავრობის კანცელარიაში ამ ინფორმაციას არ ადასტურებენ. მათი თქმით, პრემიერი შენობაშია და სამუშაო შეხვედრებს მართავს. 
შეგახსენებთ, რომ მოსალოდნელი სამთავრობო ცვლილებების, მათ შორის, პრემიერის მიერ პოსტის შესაძლო დატოვების შესახებ პირველად მთავარი არხის გენერალურმა დირექტორმა ნიკა გვარამიამ თავის საავტორო გადაცემაში "მთავარ აქცენტებში" ისაუბრა. 

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
MAX Chania