იურიდიულ საკითხთა კომიტეტის თავმჯდომარის, ანრი ოხანაშვილის შფასებით, „თრეის ინთერნეიშენალის“ კვლევა „საუკეთესო პასუხია „ფრონტერას“ ლობისტი ზოგიერთი კონგრესმენის წერილზე“.
„კვლევა ხაზს უსვამს საქართველოს საერთაშორისო იმიჯს რეკეტის თავისუფლების ინდექსის თვალსაზრისით, კერძოდ მას, რომ საქართველოში ხელისუფლება კორუფციისგან თავისუფალია და ამ თვალსაზრისით ჩვენ ვართ მსოფლიოს საუკეთესო ათეულში. ჩვენ ვართ ევროპის მასშტაბით საუკეთესო ოცეულში და ეს ყველაფერი ჩვენს საერთაშორისო იმიჯზე, რა თქმა უნდა, აისახება. ეს ხელს უწყობს ბიზნესის კეთებას და რა თქმა უნდა, ეს მეტყველებს ჩვენს რეპუტაციაზე საერთაშორისო დონეზე. ასე რომ. ეს არის ძალიან მნიშვნელოვანი კვლევა. როდესაც ვსაუბრობთ „ფრონტერას“ ლობისტი ზოგიერთი კონგრესმენის წერილზე და თითქოს შეშფოთებაზე ბიზნესთან მიმართებაში, ამის საუკეთესო პასუხია ეს კვლევა, რომელიც პირდაპირ მიუთითებს საქართველოს საერთაშორისო იმიჯზე, რომ საქართველოს ხელისუფლება კორუფციისგან თავისუფალია და ამ მხრივ არის მსოფლიოს საუკეთესო ათეულში, ძალიან ბევრს მიანიშნებს, ეს პირდაპირი პასუხია „ფრონტერას“ ლობისტი ზოგიერთი კონგრესმენის წერილზე.
ის, რომ ასეთი შეფასება დაიდო ამ ორგანიზაციის მხრიდან, ამის საფუძველი გახდა ის მნიშვნელოვანი რეფორმები, რომელიც ჩვენ განვახორციელეთ წლების განმავლობაში და კიდევ ვახორციელებთ, ამის საფუძველია ასევე ჩვენი ღია მმართველობის მიდგომა და ის, რომ ხელისუფლება არის მაქსიმალურად გახსნილი ასევე ის, რომ შესაძლო კორუფციულ შემთხვევებში ხდება სწრაფი რეაგირება შესაბამისი სამართალდამცავი ორგანოების მხრიდან და ამის სტატისტიკური მაჩვენებელი კი ყველას კარგად მოეხსენება. აქედან გამომდინარე ჩვენ ყველანაირი საფუძველი გვაქვს იმისთვის შექმნილი, რომ ვიყოთ მოწინავე და ვართ კიდეც, როგორც რეგიონის, ასევე აღმოსავლეთ ევროპის ლიდერი ქვეყანა. ყოველთვის არსებობს გამოწვევები, მოდუნება არ შეიძლება, ყოველთვის საჭიროა შემდგომ რეფორმებზე ფიქრი და რა თქმა უნდა, გავაგრძელებთ მუშაობას“, - განაცხადა ოხანაშვილმა.