Babajana LOGO

უცხოეთიდან საქართველოს მოქალაქეების ჩამოსაყვანად კიდევ ორი, მადრიდისა და პრაღის რეისი დაინიშნა

13 აპრილს 2020 07:40ნახვები 889წყარო: 1tv.geფოტო: 1tv.ge
საქართველოს საგარეო საქმეთა მინისტრის, დავით ზალკალიანის განცხადებით, უცხოეთიდან საქართველოს მოქალაქეების ჩამოსაყვანად კიდევ ორი რეისი დაინიშნა. როგორც დავით ზალკალიანმა აღნიშნა, 30 აპრილს განხორციელდება ახალი რეისი თბილისი-მადრისი-თბილისის მიმართულებით, ხოლო 2 მაისს განხორციელდება რეისი თბილისი-პრაღა-თბილისის მიმართულებით.
„ეს არის ის ორი ახალი რეისი, რომლის საშუალებითაც ჩვენს მოქალაქეებს ექნებათ შესაძლებლობა, დაბრუნდნენ სამშობლოში“, – განაცხადა დავით ზალკალიანმა. მისივე თქმით, დღევანდელი საკოორნიდანციო საბჭოს სხდომაზე საუბარი იყო სხვადასხვა რეისების განხორციელებაზე.
„დღევანდელ სხდომაზე ვიმსჯელეთ დამატებითი რეისების განხორციელების შესახებ. უახლოესი დღეების განრიგი არის შემდეგნაირი: 14 აპრილს განხორციელდება თბილისი-ამსტერდამი-თბილისის მიმართულებით ფრენა, 16 აპრილს თბილისი-პაიზი-თბილისის მიმართულებით, 18 აპრილს თბილისი-თელავივი-თბილისის მიმართულებით, 21 აპრილს თბილისი-რომი-თბილისი, 22 აპრილს თბილისი-ბარსელონა თბილისი, 27 აპრილს თბილისი-ვარშავა-თბილისი“, – განაცხადა დავით ზალკალიანმა. მისივე თქმით, დღევანდელი მონაცემებით 5 5040 მოქალაქე ორგანიზებულად დაბრუნდა სამშობლოში.
„ამასთან ერთად, საქართველოს საელჩოებმა და საკონსულოებმა ადგილზე დახმარება აღმოუჩინეს საქართველოს 4 051 მოქალაქეს. ჩვენ ყოველდღიურად განვაახლებთ ამ მონაცემებს და საზოგადოებას აქვს შესაძლებლობა იხილოს ის საგარეო საქმეთა სამინისტროს ვებგვერდზე“, – განაცხადა დავით ზალკალიანმა.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
Georgian Bread
MAX Chania