თბილისის ინფექციურ საავადმყოფოში 7 ინფიცირებულს პნევმონია აქვს, მათგან ერთ–ერთის მდგომარეობა საშუალოზე მძიმეა", – ამის შესახებ კლინიკის სამედიცინო დირექტორმა მარინა ეზუგბაიამ განაცხადა.
„ამ დროისთვის ჩვენთა არის კორონავირუსით ინფიცირებული 22 პირი. 7 ინფიცირებულს პნევმონია აქვს, ერთი პაციენტის მდგომარეობა შედარებით მძიმეა. მაგრამ გარკვეულწილად რამდენიმე დღეა, სტაბილურია მისი მდგომარეობა და დაავადება არ პროგრესირებს. შეიძლება ითქვას, რომ თუ პროგრესირება შეჩერდა და სტაბილურია, ალბათ შეგვიძლია ვთქვათ, რომ მდგომარეობა საშუალოზე მძიმეა და არა როგორც მძიმე, მაგრამ ჩვენ კიდევ ერთხელ ვამბობთ, რომ მიუხედავად მკურნალობისა, პაციენტების დაავადება შეიძლება, პროგრესირდეს. ეს არის დაავადების ხასიათი. ამიტომ დაახლოებით, ინფიცირების პირველი დღიდან 13 დღემდე შეიძლება, მოხდეს პროგრესირება. თუ გადავლახეთ ეს 13 დღე და პაციენტის მდგომარეობა იქნება სტაბილური, ეს ნიშნავს, რომ თანდათანობით დაიწყება გაუმჯობესება და გამოჯანმრთელებისკენ ტენდენცია. დანარჩენი ინფიცირებულების ჯანმრთელობის მდგომარეობა დამაკმაყოფილებელია“, – განაცხადა ეზუგბაიამ.
უკანასკნელი მონაცემებით, საქართველოში ახალი ტიპის კორონავირუსის 25 შემთხვევაა დადასტურებული. 25 ინფიცირებული პაციენტიდან 22 თბილისის ინფექციურ საავადმყოფოშია მოთავსებული, 3 – საჩხერის კლინიკაში.