მთავრობამ პატიმრები უნდა გაათავისუფლოს - თორნტონი
"ვადამდელი არჩევნები ცუდი პრეცედეტი იქნება, მაგრამ მთავრობამ პატიმრები უნდა გაათავისუფლოს" - თქვა "ამერიკის ხმასთან" ინტერვიუში "ეროვნული დემოკრატიული ინსტიტუტის" ყოფილმა დირექტორმა საქართველოში.
ლორა თორნტონის თქმით, ოპოზიციის მხრიდან კომპრომისზე წასვლამდე პირველი ნაბიჯი სწორედ მთავრობამ უნდა გადადგას, რაც ნიკა მელიას და გიორგი რურუას გათავისუფლებას გულისხმობს. მთლიანობაში, მისი შეფასებით ვითარება ისე გამოიყურება, რომ მოლაპარაკებები არ მუშაობს.
ლორა თორნტონის თქმით, ოპოზიციის მხრიდან კომპრომისზე წასვლამდე პირველი ნაბიჯი სწორედ მთავრობამ უნდა გადადგას, რაც ნიკა მელიას და გიორგი რურუას გათავისუფლებას გულისხმობს. მთლიანობაში, მისი შეფასებით ვითარება ისე გამოიყურება, რომ მოლაპარაკებები არ მუშაობს.
"ქართული ოცნება მმართველი პარტიაა და რა თქმა უნდა, პირველი ნაბიჯი მათ უნდა გადადგან. ეს შეიძლება ნიკა მელიასა და გიორგი რურუას გათავისუფლება იყოს. ამის შემდეგ ოპოზიცია უნდა დათანხმდეს რაღაცას და ასე უნდა გადაიდგას პირველი ნაბიჯები. შეიძლება, ეს მეთოდიც ჩავარდეს და განსაკუთრებით მმართველმა პარტიამ თქვას, რომ არ აღელვებთ ევროკავშირის მუქარა ფინანსური დახმარების შეჩერებაზე. არ ვისურვებდი, რომ საქმე ამ წკეპლებამდე მივიდეს და ევროკავშირმა და ამერიკამ დახმარების შეწყვეტა დაიწყონ. მაგრამ მათ ამის საშუალება ნამდვილად აქვთ. მე იმ ძირეული ცვლილებების განხორციელებაში დავხარჯავდი დროსა და ძალისხმევას, რომლებიც ინსტიტუტების გარდაქმნას სჭირდება, არჩევნებს კი გეგმიურად ჩავატარებდი.ლორა თორნტონის აზრით, ამერიკას და ევროკავშირს ჯერ კიდევ აქვთ, ზეწოლის ბერკეტები, მათ შორის ფინანსური სანქციების სახით.
"ქართულ ოცნებას" ძალიან უნდა, რომ ოპოზიცია პარლამენტში შევიდეს. ამიტომ, მთავრობა პირველი უნდა იყოს, რომელიც ნაბიჯს გადადგამს, იქნება ეს პატიმრების გათავისუფლება, გენერალური პროკურორის დანიშვნა თუ ცესკოს თავმჯდომარის 2/3-ით დანიშვნა. მთავრობამ რაღაც უნდა გააკეთოს იმის სანაცვლოდ, რომ ოპოზიცია პარლამენტში დაბრუნდეს", - თქვა მან.