"ლეიბორისტული" პარტიის წევრი, ლაშა ჩხარტიშვილი აცხადებს, რომ ხელისუფლებამ გუმათში "ახალი საოკუპაციო ზოლი" გააჩინა. 
ჩხარტიშვილი, რომელიც რიონის ხეობის პროტესტს უერთდება და ადგილზე იმყოფება, ამბობს, რომ "თუ დღეს ამას მოითმენენ ხვალ და ზეგ ნებისმიერ ქალაქში იგივე შეიძლება განმეორდეს."

"გარდა იმისა, რომ სასიკვდილო ჰესთან გვაქვს საქმე, რომელიც არავის სჭირდება ივანიშვილის გარდა, საკუთარ ქვეყანაში ახალი საოკუპაციო ზოლი გააჩინეს იმერეთში, რუსი ოკუპანტები არ გვეყოფოდა, ახლა "ქართველი ოკუპანტები" გაჩნდნენ იმერეთში. თუ ჩვენ აქ შევეგუებით ამას, ქვეყანას გვიტბორავენ, გვიძირავენ და ღია დიქტატურას ამყარებენ რიონის ხეობიდან, ასე რომ, თუ აქ ჩვენ ამას მოვითმენთ, ხვალ და ზეგ, თბილისში და ნებისმიერ ქალაქში საკუთარი სახლში არ შეგვიშვებენ, როგორც ლეჩხუმელებს და იმერლებს დღეს არ უშვებენ საკუთარ სოფლებში", - თქვა ლაშა ჩხარტიშვილმა.