ევროპული საქართველოს ერთ-ერთი ლიდერის, გიორგი კანდელაკის ინფორმაციით, ვლადიმირ პოზნერსა და მასთან ერთად თანმხლებ პირებს საქართველოს შსს-ს მიერ წინასწარ ჰქონდათ საშვები მინიჭებული. მისივე თქმით, ამის შესახებ ინფორმირებული იყო შსს მინისტრიც. 
"მთელ ამ დელეგაციას ჰქონდა საშვები მინიჭებული საქართველოს შსს-ს მიერ, მათი ქვეყანაში შემოშვების გადაწყვეტილება მიღებული იქნა უმაღლეს დონეზე, ინფორმირებული იყო შსს-ს მინისტრიც. ამან გამოიწვია სამართლიანი აღშფოთება საზოგადოების, მაშინ როცა კეთილსინდისიერი მოქალაქეები ჩაკეტილი არიან სახლში". - ამბობს კანდელაკი. მისივე თქმით, ხელისუფლება ცდილობს შეცდომაში შეიყვანოს საზოგადოება და სინამდვილეში არავინ დაუჯარიმებიათ, რადგან მათი შემოსვლის შესახებ წინასწარ იყო ცნობილი. 
"ამ ხალხს ჰქონდა წინასწარ მინიჭებული საშვები, ეხლა რომ ლაპარაკობენ დავაჯარიმეთო ეს არის საზოგადოების შეცდომაში შეყვანის მცდელობა, თუ არ იცოდნენ, როგორ გამოყვეს პოლიციის ესკორტი, როგორ დაიქირავეს ავტობუსი, როგორ გაახსნევინეს რესტორანი". - ამბობს კანდელაკი. მისი ინფორმაციით, პოზნერთან ერთად მყოფი დელეგაციის ერთ-ერთი წევრი იყო მედვედევის უახლოესი მეგობარი მიხეილ კუზნეროვიჩი,  ასევე იმყოფებოდა დავიდ დავიდოვიჩი, რომან აბრამოვიჩის მარჯვენა ხელი.
"გუშინდელ ქეიფს ესწრებოდა მიხეილ კუზნეროვიჩი, რომელიც არის ცნობილი რუსი ბიზნესმენი და მედვედევის უახლოესი მეგობარი, მასთან უშუალოდ დაკავშირებული, აქტიურობდა მედვედევთან ერთად, რუსეთ-საქართველოს ომის დროს. დელეგაციაში ასევე იყო დავით დავიდოვიჩი რომელიც არის რომან აბრამოვიჩის მარჯვენა ხელი და ასევე მასთან ძალიან ახლოს აფილირებული პიროვნება". - ამბობს კანდელაკი. 
რაც შეეხება თავად პოზნერს, კანდელაკის თქმით, მთავრობას ჰქონდა მოვალეობა, რომ პოზნერი საქართველოს ტერიტორიაზე არ შემოეშვათ, რადგან მისი განმარტებით, ამის ერთ-ერთი მიზეზია ის, რომ ჟურნალისტის პროპაგანდამ 2008 წელს, რუსეთ-საქართველოს ომის დროს, საქართველოს დიდი ზიანი მოუტანა. 
"პოლიტიკურად, პოზნევის საქართველოს ტეტორიაზე შემოშვება, არაფრით განსხვავდება გავრილოვის შემოშვებისგან, გავრილოვისგან განსხვავებით, იგი შეიძლება უშუალოდ საბრძოლო მოქმედებებში არ იღებდა მონაწილეობას, მაგრამ იგი რა თქმა უნდა, პროპაგანდის ფრონტზე დასავლეთის მიმართულებით იყო მნიშვნელოვანი მაკოორდინარებელი ფიგურა, რამაც ძალიან დააზიანა საქართველო 2008 წელს". - ამბობს კანდელაკი.